Македонија
Пратениците од опозицијата поднесоа интерпелација за Јанкулоска
Пратеничките групи на опозициските партии СДСМ, НСДП и ПЕИ денеска до Собранието поднесоа интерпелација за работата на министерката за внатрешни работи, Гордана Јанкулоска.
Пратеничките групи на опозициските партии СДСМ, НСДП и ПЕИ денеска до Собранието поднесоа интерпелација за работата на министерката за внатрешни работи, Гордана Јанкулоска.
Бараат министерката да одговара за случајот со убиеното момче, Мартин Нешковски, за уривањето на деловниот комплекс „Космос“ сопственост на пратеникот на ПЕИ, Фијат Цаноски, како и за случајот „Кампања“ и оти ги попречила пратениците да направат увид во документацијата за тоа како бил следен лидерот на Обединети за Македонија, Љубе Бошкоски.
Министерката пак во интервју за МИА вели дека јавноста е навикната на напади и прозивки од страна на опозицијата без основа или поднесување на интерпелации без аргументи.
„Затоа залудно е да се оптоварувам со нивните одлуки и мотиви. За мене е важно тоа што по првите две интерпелации следеа избори на кои граѓаните јасно и недвосмислено и кажаа не на ваквата политика на опозицијата и ги казнија транзициските манипуланти заглавени во 90-тите години од минатиот век“ вели Јанкулоска.
Претседателот на Комисијата за надзор над комуникациите на МВР, Тито Петковски иницираше интерпелација на министерката незадоволен од одговорите на МВР за следењето на Бошкоски.
Тој тврдеше дека Бошкоски бил прислушуван незаконски, додека Јанкулоска во дописот му напиша дека Бошкоски не бил прислушуван и дека таква документација во МВР не постои./крај/макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Стоилковски: Дали има бактерија МРСА во хируршките сали на „Клиника“?
„Ќе даде ли некој одговор од Владата или од ДУИ и СДС што се случува во хирургија, наместо да се префрла топката од здравството кон ЈО“, праша Наум Стоилковски, портпаролот на ВМРО-ДПМНЕ.
Македонија
Скопскиот булевар „Кочо Рацин“ во мрак, луѓето со блиц од мобилен минуваат на пешачки (ВИДЕО)
Скопскиот булевар „Кочо Рацин“, на кој се наоѓа автобуската станица „Југодрво“, веќе неколку денови е во мрак. Уличните светла долж булеварот не работат, а улиците околу булеварот исто така не се осветлени – единственото светло на него доаѓа од становите на соседните згради.
Мракот ја загрозува безбедноста на пешаците и велосипедистите кои ги преминуваат пешачките премини и кој светат со блиц од мобилните за да поминат.
Граѓанската иницијатива „Шанса за центар“ ги повикуваат Град Скопје и градоначалничката Данела Арсовска да го вратат осветлувањето на булеварот, но досега нема никаква реакција од нив.
Оттаму, „Шанса за центар“ синоќа постави трепкачи за велосипед кај пешачките премини на „Кочо Рацин“, за да привремено „малку од малку“ ја подобрат состојбата на улицата.
Македонија
Обвинителството истражува дали има кривична одговорност за затворените хируршки сали и смрдеата во „Клинички“
Министерството за здравство прати известување до Обвинителството за затворените хируршки сали во Клиничкиот центар „Мајка Тереза“, кое е примено и распоредено кај јавен обвинител. Ќе се преземат дејствија за да се провери дали во настанот воопшто има елементи на кривично дело, соопштуваат од ОЈО Скопје.
Од ОЈО посочуваат дека Обвинителството постапува и гони само доколку има кривично дело.
Како што вчера објавивме, само во три сали во комплексот клиники „Мајка Тереза„ во моментов се извршуваат исклучително итни операции. Останатите сали веќе 7-ми ден се затворени, поради ширеење на непријатна миризба.
За состојбите на клинички центар вчера на прес-конференција реагираше портпарол на ВМРО-ДПМНЕ, Наум Стоилковски, кој рече дека цела недела, од минатата сабота трае проблемот со системот односно цевководот за кислород до операциски сали, цела недела нема испитување што е, што мириса, дали е загадено, дали навистина има јаглерод диоксид, како и дека во меѓувреме, со потпис со лична согласност, луѓе се оперираат на сопствен ризик.