Македонија
Се ситни членството на ВМРО-НП во Велес
Секој член на ВМРО-Народна партија во Велес, без притисоци ќе треба самиот да реши дали ќе го следи преминот на речиси целиот Извршен комитет во ВМРО-ДПМНЕ, вели претседателката на НП во Велес, Валентина Делиманчева – Андреевска
Секој член на ВМРО-Народна партија во Велес, без притисоци ќе треба самиот да реши дали ќе го следи преминот на речиси целиот Извршен комитет во ВМРО-ДПМНЕ, вели претседателката на НП во Велес, Валентина Делиманчева – Андреевска.Во изјава за интернет порталот Лисица, таа ги образложува нејзините причини. Смета дека почесниот лидер Љубчо Георгиевски ја напуштил десничарката демохристијанска идеологија и партијата ја направил заложник на неговите бизнис интереси. Посебно е изненадена од најавите за можна коалиција со СДСМ.Делиманчева-Андреевска, додава дека засега не може да се предвиди колку од членовите на велешкиот комитет од НП ќе преминат во ВМРО-ДПМНЕ, но според неа се очекува голема бројка од околу 90 отсто од членството.„Оставам секој сам слободно да си одлучи. Ова е моја лична одлука да преминам во ВМРО-ДПМНЕ. Разочарувањето и незадоволството сега се големи во партијата. Не знам колкава е бројката на членови кои ќе преминат во ВМРО-ДПМНЕ, но очекувам тоа да биде околу 90 отсто од членството“, вели Валентина Делиманчева-Андреевска, претседателка на велешкиот општински комитет на ВМРО-НП.Од преминувањето, инаку, директна полза ќе има советничката група на ВМРО-ДПМНЕ во Советот на општина Велес, односно ќе имаат покомонтна позиција и посигурно мнозинство.„Би дала сé од себе да придонесам за интересите на граѓаните. Можеби утре некој ќе рече ние ја гласавме како член на ВМРО-НП а сега таа премина, но, пред сé, јас сум таму за интересите на сите граѓани на општина Велес и го давам максималниот придонес за нив“, вели Делиманчева – Андреева.Сега веќе поранешните членови на ВМРО-НП најавуваат бурни денови. Преминувања во нивната матична партија ќе имало секој ден./крај/ли/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Графика) Лани во Македонија се случиле 108 несреќи при работа, а од нив 15 завршиле со фатални последици
Лани во Македонија се случиле 108 несреќи при работа, а од нив 15 завршиле со фатални последици, покажува најновиот извештај на Македонското здружение за заштита при работа.
„Во 2023 година успеавме да забележиме јавно објавени во електронските и печатените медиуми, како и искомуницирани до нас како Македонско здружение за заштита при работа вкупно 93 несреќи при работа. Би сакале да потенцираме дека оваа бројка е конзервативна и во голема мера не го отсликува вистинскиот број на потешки несреќи на работното место. Следбено на оваа бројка на загинати вработени, стапката на смртни случаи при работа во Македонија изнесува 2,16 односно на секои 100.000 вработени, 2 вработени гинат на работното место во 2023 година. Кога пак како параметар ќе се земат повредите при работа, тогаш стапката на повреди при работа за 2023 година изнесува 13,42, што покажува дека на секои 100.000 вработени, потешко се повредуваат околу 13 до 14 вработени“, пишува во извештајот.
Во однос на градот во кој се случила несреќата, Скопје е град со најголем број на несреќи. По Скопје следат Битола и Прилеп.
Според извештајот, во 2023 година најмногу несреќи има во Преработувачката индустрија 29, по што следи Градежништвото и Јавна управа и одбрана 22. Најголем број на несреќи кои резултирале во смрт има во дејностите на градежништвото 7, дејностите на домаќинства како работодавачи 3 и преработувачка индустрија и рударство по 2.
„Дејностите на домаќинства како работодавачи во голем дел ги опфаќаат земјоделските работи на своите имоти. Доколку овие лица се
регистрирани како земјоделци, тогаш голем дел од повредите би се припишале на дејноста земјоделство. Најголемиот број на несреќи во оваа дејност се случиле со земјоделска машина – трактор, при вршење на земјоделски работи, транспорт или при учество во сообраќај“, се вели во извештајот на Македонското здружение за заштита при работа.
При оваа анализа утврдено е дека најголем број смртни случаи имало во петок 7, по 2 понеделник, четврток и сабота. Исто така најголем број на повреди имало во петок, додека во другите денови од неделата бројката се движи понеѓу 11 и 14 повредени.
Според резултатите, најмногу несреќи се случиле во месец април – вкупно 18. Бројот на смртни случаи, е најголем во месец септември – 3.
Македонија
(Видео) Ковачки: Ќе ги вратиме сите железнички линии во функција
Драган Ковачки, носител на изборна единица 3 на ВМРО-ДПМНЕ, денеска меѓудругото вети дека ќе бидат вратени во функција сите железнички линии.
„Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините“, изјави Ковачки.
Македонски железници месецов прослави 151 година од своето постоење. Јавното претпријатие е во лоша состојба, а укинати се голем број возови.
Од неодамна, од двата патнички воза за Гевгелија вози само еден. Од 2021-ва не сообраќаат возовите од Скопје за Кочани и за Кичево, а од почетокот на 2023 ниту возот за Табановце и Куманово.
Патниците го избегнуваат возот оти кога се качуваат не се знае кога и дали ќе стигнат. Честопати има дефекти и доцнење од по неколку часа, па граѓаните не сакаат да ризикуваат.
Ова јавно претпријатие е загубар кој со години се соочува со финансиски потешкотии и постојано добива прилив од буџетот за да може да подели плати и да плати сметки.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.