Македонија
Груевски: Манифестот е остварлив
Изборната програма на ВМРО-ДПМНЕ содржана во „Манифестот за реформи и развој“ е изработена темелно и длабоко веруваме дека тоа што го ветуваме е остварливо.
Изборната програма на ВМРО-ДПМНЕ содржана во „Манифестот за реформи и развој“ е изработена темелно и длабоко веруваме дека тоа што го ветуваме е остварливо.Ова денеска во Скопје го изјави лидерот на ВМРО–ДПМНЕ, Никола Груевски, истакнувајќи дека најголема гаранција за дадените ветување се сторените дела во изминатиот мандат.„Се’ она што можете да го видите во програмата ВМРО-ДПМНЕ е точно пресметано, изанализирано, испроектирано и остварливо. Можно е дури и нешто повеќе од тоа да се оствари, но не сакаме да гарантираме и да застанеме зад тоа“, рече Груевски.Тој нагласи дека од неговата партија се многу внимателни при давањето ветувања и често се ветува и помалку од она што може да се оствари.„Не сакаме да оставиме впечаток кај луѓето дека нешто ветуваме а не исполнуваме. Затоа сме толку внимателни и често ветуваме помалку од тоа што може да го оствариме. Одиме со помали проекции и се трудиме доколку е можно да дадеме и нешто повеќе“, рече Груевски.Тој уште еднаш повтори дека претстојните избори за него ќе претставуваат референдумско изјаснување.„На овие избори очекуваме референдумско изјаснување, затоа што очекуваме едно големо ’да’ за зголемување на пензиите, платите во јавниот сектор, за нови субвенции во земјоделство, за продолжување на реформите и натамошниот развој, едно големо ’да’ за манифестот“, рече Груевски.Според него, граѓаните треба да се одлучат дали земјата да продолжи напред со реформите, или да се врати во време на транзицијата и лажни ветувања.„Практично, очекуваме реформите да победат, тоа е тоа референдумско изјаснување за коешто зборував“, дополни Груевски. Лидерот на ВМРО-ДПМНЕ информираше дека неговата партија утре ќе стартува со предизборниот караван, и тоа традиционално од Охрид.„ Ние почнуваме утре во Охрид кога законот тоа го дозволува, тие (СДСМ) одбраа денеска. Во ред оставаме на нив да одредат дали ќе го почитуваат законот“, изјави Груевски. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.