Министерот за надворешни работи на Антонио Милошоски во својство на претседавач со Комитетот на министрите, пред Парламентарното Собрание на Советот на Европа ги претстави активностите на Комитетот на министрите меѓу двете сесии

Шефот на македонската дипломатија Антонио Милошоски во свјот говор ставил акцент на досегашните ангажмани преземени од Македонското претседателство, со посебно подвлекување на присуството на СЕ во Грузија, ситуацијата во Босна и Херцеговина и последните актуелни случувања околу ромските прашања во Европа за е закажана и посебна конференција на 20 отомври годинава.Милошоски се задржал на спроведувањето на одлуките на конференцијата од Интерлакен за засилувањето на ефикасноста на системот за заштита на човекови права и работата на Европскиот суд за човекови права, со посебен акцент на досегашните ангажмани преземени од Македонското претседателство. Во контекст на ова прашање, Милошоски нагласил дека „Македонското претседателство даде скапоцен придонес“.Тој, меѓу другото, говорел и за ситуацијата во Босна и Херцеговина, посебно по последните избори и активностите кои треба да ги преземе оваа земја за уставни реформи со кои  ќе ги исполни барањата на Советот на Европа и ќе биде во согласност со пресудите на Европскиот суд за човекови права.Во однос на Молдавија, која министерот Милошоски наскоро ќе треба да ја посети во својство на претседавач со Комитетот на министрите, испратил повик до молдавските власти да продолжат целосно да ја користат помошта која им ја пружа Советот на Европа.За Косово, министерот Милошоски нагласил дека е „важно да се оди напред и да се создава клима на доверба“ меѓу Приштина и Белград. „Предизвикот е голем, но ние сме убедени дека тие можат да го задоволат“, рекол Милошоски.Претседателот на ПС на Советот на Европа Мевлут Чавошоглу е задоволен од начинот на кој Република Македонија претседава со Советот на Европа и соработката која постои меѓу Македонскотот претседателство и ПС на СЕ. Чавошоглу се заблагодари за приемот и за создадените услови за непречена работа на членовите на ПС на СЕ за време на нивните состаноци одржани во Македонија.Како одговор на прашање на турски пратеник за користењето на рефернцата „Поранешна Југословенска Република Македонија“ односно кога според него Македонија ќе има ново име и кога ќе може да се каже само Македонија“, Милошоски подвлекол дека дека кога би одговорил на ова прашање „како што сакам да одговорам,ќе бидам многу популарен во македонските медиуми…“„Но ќе речам дека сум среќен поради тоа што повеќе пратеници од ПС на СЕ го поддржуваат правото на секоја нација, голема или мала да го избери слободно своето име и да се спроведува правото на самоидентификување во домот на човековоите права каков што е Советот на Европа. Но ние сме политичари кои се одговорни и реалисти. Ние знаеме дека соседна Грција продолжува да смета дека разликите меѓу двете земји е пречка за помирувањето. Ние сметаме и посакуваме дека може да се постигне договор според меѓународното право и да се почитува правото на граѓаните и нациите да го изберат нивното сопстевно име, нагласил Милошоски.