Свет
Русија жали за неучеството на Иран и Саудиска Арабија на состанокот за Сирија
Русија во петокот изрази жалење поради тоа што поради забелешките на САД, на министерскиот кризен состанокот за Сирија кој во сабота ќе се одржи во Женева, не се повикани Иран, Саудиска Арабија, Јордан и Либан.
Во соопштението на министерството на надворешни работи на Руската Федерација се наведува дека и договорот за прекин на огнот и повлекување на владините и бунтовничките сили од градовите ќе создаде позитивна атмосфера за политичка транзиција во Сирија.
Меѓутоа, и покрај тоа што руската страна го поздравува ваквиот состанок, исто ката се укажува и на постоечките разлики со Западот околу начинот на изведување на ткн политичка транзиција во Сирија.
Оваа изјава следеше кусо време по почетокот на работниот ручек во Санкт Петербург на кој, како што најави американската страна, државната секретарка Хилари Клинтон ќе се биде да го убеди својот домаќин Сергеј Лавров, дека Кремљ мора да се согласи со заминувањето на сирискиот претседател Башар ал-Садат од власта.
Изразувајќи жалење што Саудиска Арабија, Иран, Јордан и Либан нема да учествуваат на разговорите во сабота со шефовите на дипломатиите на петте постојани членки на Советот за безбедност на Обединетите нации, во изјавата на руското министерство за надворешни работи се потенцира дека „рускиот предлог во врска со тоа наиде на непремостливите забелешки од страна на САД, особено во поглед на учеството на Иран“.
Инаку, на состанокот покрај петте велесили, САД, Русија, Кина, Велика Британија и Франција, ќе учествуваат Турција, Кувајт, Катар, генералниот секретар на ОН, Бан Ки-Мун и првиот човек на Арапската линија, Бабил Елараби, коишто досега го поддржуваа западниот предлог за политичка транзиција на Сирија условена со заминување на претседателот Башар ал-Асад.
Меѓународниот специјален пратеник за Сирија, Кофи Анан, во сабота ќе бара поддршка за предлогот во кој децидно не се бара заминување од власта на претседателот Асад, но повикува на формирање влада на национално единство којашто би ги исклучувала личностите коишто ја загрозуваат стабилноста./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху: Со кое право не’ споредувате со Хамас додека водиме праведна војна
Израелскиот премиер Бенјамин Нетанјаху рече дека одлуката на обвинителите на Меѓународниот кривичен суд, со која се бара налог за негово апсење, е апсурдна и е насочена кон Израел.
„Со гадење ја отфрлам споредбата на хашките обвинители меѓу демократски Израел и масовните убијци на Хамас“, рече Нетанјаху.
„Со каква дрскост го споредувате Хамас кој убиваше, палеше, масакрираше, силуваше и ги киднапираше нашите браќа и сестри, со војниците на ИДФ кои водат праведна војна“.
Тој го нарече потегот на обвинителот на судот нов тип на антисемитизам.
„Граѓани на Израел, ви ветувам едно – обидот да ни ги врзат рацете нема да успее“, рече тој.
„Ветувам дека ниту еден притисок и ниту една одлука на ниту еден меѓународен форум нема да не спречи да ги удриме оние кои сакаат да не уништат“, додаде премиерот.
Израелскиот претседател Херцог, коментирајќи ја веста за налозите за апсење за воени злосторства, кои покрај лидерите на Хамас се однесуваат и на двајца високи израелски лидери, вклучително и самиот премиер Нетанјаху, рече дека одлуката на обвинителот „повеќе од срамна“ и ќе ги охрабри терористите ширум светот.
„Секој обид да се повлечат паралели меѓу овие ѕверски терористи и демократски избраната влада на Израел – која работи на исполнување на својата должност да ги брани и заштити своите граѓани во целосна согласност со принципите на меѓународното право – е срамота и не треба да биде прифатена од никого. “, рече Херцог.
Главниот обвинител на судот Карим Кан, побара од судиите на Меѓународниот кривичен суд да одобрат налози за апсење на тројца лидери на Хамас и двајца израелски лидери за воени злосторства и злосторства против човештвото извршени за време на седуммесечната војна во Газа, објави во понеделникот судот .
Одлуката ја критикуваа и САД.
Свет
Америка изрази сочувство за смртта на иранскиот претседател
Соединетите држави денеска испратија „официјални изрази на сочувство“ за смртта на иранскиот претседател Ебрахим Раиси и други официјални лица во хеликоптерска несреќа, објави Стејт департментот.
„Додека Иран избира нов претседател, ние ја потврдуваме нашата поддршка за иранскиот народ и неговата борба за човекови права и основни слободи“, изјави портпаролот на Стејт департментот Метју Милер.
Американскиот министер за одбрана Лојд Остин денеска изјави дека нема увид во причината за хеликоптерската несреќа во која загина иранскиот претседател Ебрахим Раиси, додавајќи дека не мора да го гледа поширокото влијание на тој настан врз регионалната безбедност.
„Не можам да шпекулирам што би можело да биде причината“, рече Остин пред новинарите.
Американскиот Стејт департмент додаде дека САД ќе продолжат да се спротивставуваат на поддршката на Иран за тероризмот, ширењето на опасно оружје и унапредувањето на неговата нуклеарна програма.
Свет
Бајден: Барањето за апсење на Нетанјаху е изедначување на Израел и Хамас
Барањето на обвинителот на Меѓународниот кривичен суд да се издаде налог за апсење на израелските лидери е безобразно и САД не се согласуваат со споредбата меѓу Израел и Хамас, изјави американскиот претседател, Џо Бајден.
„Да бидам јасен, што и да се обидува да имплицира овој обвинител, нема изедначување на Израел и Хамас“, рече Џо Бајден.
Државниот секретар на САД, Ентони Блинкен, пак, предупреди дека таква одлука може да ги загрози напорите за постигнување договор за прекин на огнот, договор за заложниците и за зголемување на хуманитарната помош во Газа.
„Го отфрламе обидот на обвинителот да го изедначи Израел со Хамас“, нагласи Блинкен.
Главниот обвинител на судот, Карим Кан, претходно денеска изјави дека се поднесени налози за апсење против Нетанјаху и министерот за одбрана Јоав Галант под обвинение за „поттикнување истребување, поттикнување глад како метод на војна, вклучително и задржување на хуманитарна помош и намерно таргетирање на цивили во конфликтот“.
Покрај тоа, денеска судот побара апсење на лидерите на Хамас – Јахја Синвар, Мохамед Деиф и Исмаил Ханије, кои се обвинети за „истребување, убиство, земање заложници, силување и сексуални напади“.