Свет
Копродуцентот на "Папокот на светот"зеде кредит од 200.000 евра
Кредитот е земен од Комерцијална банка а ќе се враќа со пари од буџетот затоа што потписник на гаранцијата е Министерството за култура
НА ДВЕ НЕДЕЛИ ПРЕД КРАЈОТ НА СНИМАЊЕТО
Кредитот е земен од Комерцијална банка а ќе се враќа со пари од буџетот затоа што потписник на гаранцијата е Министерството за култура
На безмалку две недели пред крајот на снимањето на филмот "Папокот на светот" во режија на Игор Иванов – Изи, продуцентот "Сектор филм" и Владимир Анастасов – Вац зедоа кредит од 200. 000 денари од Комерцијална банка. Гарант за кредитот е Министерството за култура. Од Министерството ни рекоа дека тие дале гаранција дека в година таа сума на пари ќе биде исплатена во буџетот на филмот, иако првично за "Папокот" не беа планирани пари во 2006 година.
"Кредитот нема да се исплаша со нови пари" ни изјави продуцентот Анасатсов. Тој вели:"Ова се пари според договорот што Министерството не успеа да ни ги префрли во оваа година". Тоа е како што објаснува Анастасов поради неефикасноста во финансирањето на филмската дејност која се третира како останатите, затоа што "процесот на работа бара парите да бидат префлени наеднаш во целост".
Од "Сектор филм" велат дека секаде во светот било практика со гаранција од филмските фондови да се подигаат кредити од банките, за што постоеле и погодни услови. "Нам одвај ни успеа да најдеме разбирање единствено кај Комерцијална банка. Останатите и покрај гарантот од Министерството за култура даваат мнгу неповолни услови, што не е добро за состојбата во филмот", вели Анастасов.
"Папокот на светот" ќе чини над 1 милион и 300.000 евра, од кои нешто над половината ќе ги покрие македонското Министерство за култура. Копродуцент од странство засега останува само Меинстрим Лимитед од Лондон. Од "Сектор филм" велат дека се во преговори за нови копродуценти, ама се додека не ги потпишат договорите не можат да соопштат ништо ново.
По ланската година каде што министерот Стефановски неколкуте филмови што беа финансирани на неколку пати ги нарече загубари, тој најави дека новите договори со продуцентите ќе ги потпишува доколку е комплетно затворен буџетот на филмот со обезбедени странски пари. М. Зафировска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Америка треба да се повлече од војната во Украина
Републиканскиот претседателски кандидат, Доналд Трамп, изјави дека САД треба да се повлечат од војната во Украина и дека демократската потпретседателка, Камала Харис и претседателот Џо Бајден немаат намера да го сторат тоа.
„Бајден и Камала не’ воведоа во војната во Украина и сега не можат да не’ извлечат. Не можат да не’ извлечат“, рече Трамп во својот говор во Џорџија.
САД немаат војска во Украина, но обезбедија воена и хуманитарна помош вредна милијарди долари.
„Мислам дека сме заглавени во таа војна, освен ако не станам претседател. Ќе ја прекинам. Ќе преговарам и ќе излеземе. Мораме да излеземе“, рече Трамп.
Свет
Зеленски: Војната со Русија е поблиску до крајот отколку што мислат луѓето
Претседателот на Украина, Володимир Зеленски, денеска изјави дека војната со Русија е поблиску до крајот отколку што се мисли.
„Мислам дека сме поблиску до мир отколку што мислиме. Само треба да бидеме многу силни“, изјави Зеленски за ABC News.
Тој додаде дека победничкиот план што ќе му го претстави на американскиот претседател Џо Бајден оваа недела ќе бара од сојузниците да „помогнат за зајакнување“ на украинската армија.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.