Свет
Најмалку 90 лица настрадаа во поплавите во јужна Кина
Најмалку 90 лица настрадаа, а 50 се водат како исчезнати во поплавите кој го погодија јужниот дел на Кина, соопштија кинеските службеници.
Најмалку 90 лица настрадаа, а 50 се водат како исчезнати во поплавите кој го погодија јужниот дел на Кина, соопштија кинеските службеници.
Од четвртокот заради поплавите, предизвикани од обилните дождови евакуирани се повеќе од 1,4 милиони лица, пренесе српски Блиц.
Според податоците на канцеларијата за одбрана од поплави, од невремето погодени се 5,5 милиони лица во девет провинции и области во јужниот дел на Кина, пренесува АП.
Сезоната на дождови започна во мај, по најголемата суша која ги зафати јужните кинески провинции во последните сто години.
Дождовите предизвикаа поплави, лизгање на земјиштето, оштетување на сообраќајниците и прекин на доводот на електрична енергија како и оштетување на резервоарите за вода, штетата е проценета на 400 милиони долари.
Оваа година во поплавите во Кина до сега загинаа 200 лица./крај/блиц/мт
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Активистите го обвинија папата Франциско дека не направил доволно за да се искорени сексуалното насилство
Папата Франциско не направи доволно за да се искорени сексуалната злоупотреба од страна на свештенството и прикривањето на овие злосторства, изјавија активисти и жртви на митингот во Рим.
Римокатоличката црква долго време се соочува со обвинувања за сексуална злоупотреба, а овој протест беше организиран пред утрешниот фестивал на Светскиот ден на детето во Ватикан, пренесува Ројтерс.
„Сакаме да ги заштитиме младите луѓе кои присуствуваат на фестивалот“, изјавија дел од организаторите.
Свет
Русите денеска 15 пати го нападнаа Харков, убиени 6 лица
Гувернерот на областа Харков во Украина, Олег Синегубов соопшти дека во напад на руската армија врз тој регион загинале шест лица, а 16 се ранети.
Руската армија употреби ракетни системи С-300 во овие напади, напиша Синегубов на платформата Телеграм како што пренесува Униан, Харков денеска бил цел на 15 пати.
Украинскиот претседател Володимир Зеленски напиша на платформата X дека руските сили го искористуваат недостатокот на украински системи за воздушна одбрана и нејзината способност да уништува ракетни фрлачи во близина на границата.
Зеленски додаде дека тоа не е слабост на Украина, туку на меѓународната заедница „која три години не се осмели да се справи со терористите на начин на кој тие заслужуваат“.
Свет
Песков: Како наследник на СССР, Русија ја задржува својата позиција за независна Палестина
Русија, како наследник на СССР, останува на ставот дека ја признава независноста на Палестина, изјави денеска портпаролот на Кремљ, Дмитриј Песков.
„Гледаме во контекст дека Палестина беше призната како независна држава уште во времето на Советскиот Сојуз. Русија, како наследник на Советскиот Сојуз, ја задржува оваа позиција“, истакна Песков, пренесува ТАСС.
До денес, Палестина е призната од девет земји-членки на ЕУ.
Осум земји – Бугарија, Кипар, Чешка, Унгарија, Малта, Полска, Романија и Словачка – го презедоа овој чекор во 1988 година, пред да влезат во ЕУ, а Шведска во 2014 година.