Македонија
Демонстрантите згрозени од „иронијата и цинизмот на МВР“
Граѓаните кои веќе десетти ден протестираат на улиците во Скопје, поради убиството на Мартин Нешковски од страна на полицискиот специјалец, задоволни се од брзиот одговор на министерството за внатрешни работи
Граѓаните кои веќе десетти ден протестираат на улиците во Скопје, поради убиството на Мартин Нешковски од страна на полицискиот специјалец, задоволни се од брзиот одговор на министерството за внатрешни работи, но згрозени се од ,како што велат, иронијата и цинизмот на МВР.
„МВР во едно од своите соопштенија за јавност во текот на вчерашниот ден призна дека до 2006 година работело под влијание на СДСМ, а од 2006 година е под влијание на ВМРО ДПМНЕ, оттука не ни е јасно со кој рационален аргумент може да се спротивстават на иницијативата за Независен систем на контрола од страна на независна група граѓани“ се вели во соопштението на граѓанската иницијатива против полициската бруталност.
Демонстрантите се разочарани и од нивото на свесноста на Министерството за внатрешни работи за концептот на човекови права, бидејќи со своите одговори МВР покажало дека за нив, човековите права се гарантирани затоа што сме добиле визна либерализација и затоа што Македонија членува во поткомитетот против тортура при ОН.
„Дали припадниците на МВР заборавија дека некогаш и тие беа млади, убави и независни? Во нашиот свет има многу бои и слободна критичка мисла, затоа во следниот период ќе доставиме коментар по однос на одговорите на нашите барања доставени од МВР“, додаваат во соопштението.
Граѓаните се обраќаат и до полицискиот синдикат и велат дека тие бараат повторно регулирање на одредени норми за кои сметаат дека не функционираат во нашиот правен систем, без да го напаѓаат целиот полициски состав.
Младите и денеска ќе протестираат во центарот на Скопје, од споменикот на Мајка Тереза, ќе продолжат пред гимназија „Јосип Броз Тито“, булевар Климент Охридски – соборен храм и пред Влада. Денеска ќе им се приклучат и демонстранти од Прилеп.Во меѓувреме, од Основниот суд 1 велат дека истрагата е во тек, секојдневно се испрашуваат сведоци, но не откриваат детали во интерес на истрагата.
Не соопштуваат ниту колку сведоци се досега испрашани, ниту дали ќе се проширува истрагата. Се очекува наскоро предметот да го предадат до јавното обвинителство.
Засега за убиството одреден му е триесет и дневен притвор на „тигарот“ Игор Спасов, кој до смрт го претепа Мартин Нешковски пред десетина дена на плоштадот Македонија кога се славеше изборната победа./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..