Регион
Вулканот на островот Санторини ѝ припаѓа Грција, пресуди судот
Пленумот на Врховниот суд на Грција (Ареопагот) пресуди дека калдерата на светски познатиот остров Санторини ѝ припаѓа на грчката држава од нејзиното основање и дека немаат основа побарувања од правни и физички лица врз оваа област, бидејќи тие никогаш не владееле со овие територии.
Одлуката на грчкиот Врховен суд претставува преседан и ќе се применува при решавање на споровите на другите острови во Егејското Море и Кикладите.
Санторини го нарекуваат бисер на Егејското Море, и го посетуваат стотици илјади туристи годишно. Неговата главна атракција е калдерата, огромниот басен, формиран во древните времиња при вулканска ерупција. Калдерата има големо геолошко и археолошко значење, бидејќи во оваа област е откриено наоѓалиште на населба од бронзената ера, уништена во XVII век п.н.е., од гигантска вулканска ерупција.
Пред неколку години едно акционерско друштво започна изградбата во калдерата на површина од околу 9 хектари, а поради тоа грчката држава поднесе тужба против компанијата. Судиите се согласија со ставот на обвинителството, кое истакна дека во овој дел на Санторини ниеден поединец не се здобил со сопственост на земјиштето, шумите, пасиштата, ливадите или бреговите на Кикладиските острови, на кои им припаѓа Санторини, и дека тие отсекогаш ѝ припаѓале на грчката држава.
Слични одлуки се очекува да бидат донесени и во случаите на другите острови./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во регионот на Параќин
Републичкиот сеизмолошки завод денеска регистрираше земјотрес со јачина од 3,6 степени според Рихтеровата скала во регионот на Параќин.
Според веб-страницата на Сеизмолошкиот завод, земјотресот е регистриран во 15:38 часот.
„Теоретскиот интензитет во епицентарот беше проценет на ниво V од Меркалиевата скала. Земјотреси со ваков интензитет може да предизвикаат многу мали оштетувања на објекти во епицентралното подрачје“, наведуваат од Републичкиот сеизмолошки завод.
Медиумите објавија дека потресите се почувствувале во Крушевац, Крагуевац и Сврљиг.
Регион
Џенан од БиХ загубил девет членови на семејството во поплавите: „Дури сега гледате колку сте биле среќни“
Џенан Имамовиќ од Јабланица загубил девет члена од семејството, брат, сестра, нивните сопружници и деца во поплавите.
„Сестра, зет, син и снаа, брат и неговата сопруга, син, ќерка и зет. Единствена светла точка што ја имаме е малиот Еди, синот на Еди, кој преживеа, по Божја волја го нашол соседот“, раскажува потресениот Имамовиќ за N1 БиХ.
Во урнатините го видел телото на својата сестра. Моментално се спасува, а потрагата по неговиот братучед се уште трае. Неговата куќа не е оштетена во катастрофата.
“Дрвјата некако го ублажија ударот. Татко ми користеше камен за да ја изгради куќата во 1960-тите. Куќата на брат ми беше исто толку добро изградена, сега ја нема, како никогаш да не била таму. Дури сега гледате колку сте среќни “, вели Имамовиќ за N1.
Вели дека му е тешко што нема никој. Соседите ги нема. Но и покрај се, тој планира да остане во Јабланица.
Регион
Поплави и одрони во Босна и Херцеговина: Потрагата по исчезнатите продолжува
Потрагата по исчезнати лица во поплави и свлечишта продолжи денеска на подрачјето на Бутуровиќ Поле и други места во сливот на реката Неретвица, соопшти утринава Оперативниот центар за цивилна заштита на Херцеговско-неретванскиот кантон на Босна и Херцеговина, пренесува агенцијата „Фена“.
Според последните податоци за поплави и свлечишта во Коњиќ, Јабланица и Фојница загинале најмалку 22 лица.
Целата тешка механизација во моментот е фокусирана на чистење на локалните патишта. Тие ја пробиваат тињата на патиштата, а во исто време во тек се санации на водоводната, електричната и на телефонската мрежа. Лекови, храна, облека, хигиена и сите други неопходни потреби редовно се делат на ранливото население.
Цивилната заштита доцна во вторникот издаде наредба за итна евакуација на загрозените области Коњица и Јабланица. До 3.43 часот евакуирани се 330 лица.