Македонија
Уапсените од Грчец се товарат за кражба на моторцикл
Двете лица кои беа уапсени во вчерашната полициска акција во скопското село Грчец добија мерка притвор од осум дена, а се товарат за кражба на моторцикл.
Двете лица кои беа уапсени во вчерашната полициска акција во скопското село Грчец добија мерка притвор од осум дена, а се товарат за кражба на моторцикл.
Како што соопшти денеска МВР, кривична пријава заработија Ј.П. -„Јаско“(18), и Ш.И. – „Шаќо“(18), кои според полицијата се познати извршители на имотни деликти.
Тие се сомничат дека на 29 април одзеле моторцикл „Хонда“, сопственост на Р.И. од Скопје, кој го оставил за фарбање во автолимарски сервис на улицата „Социјалистичка зора“ бр.52, по што на сопственикот му побарале 450 евра да му го вратат возилото.
Покрај ова сознание, полицијата има оперативни информации дека покрај предмети кои потекнуваат од кривични дела, можно е пријавените да овозможуваат засолниште на лице кое се бара по потерница.
Инаку, осомничените се познати како сторители на повеќе кривични дела од областа на имотните деликти, за што и им се поднесени 66 кривични пријави, а во тек се мерки и активности за собирање докази и документирање на материјал за кривични дела, за кои ПС од ОН „Ѓорче Петров“ – НК за КР „Карпош“ имаат оперативни сознаија дека ги извршиле пријавените, се вели во соопштението на МВР. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„ДКСК да покрене постапка против Битиќи, бара од фирмите на кои им исплаќал државна помош да гласаат за него“, вели ВМРО-ДПМНЕ
„ДКСК да покрене постапка против Битиќи, бара од фирмите на кои им исплаќал државна помош да гласаат за него, им сугерира и број на гласачко ливче. По објавениот документ од кој се гледа како Битиќи бара од компании да го поддржат затоа што им исплаќал државна помош тој требаше да се повлече од политиката“, велат од ВМРО-ДПМНЕ.
„Фактот што Битиќи не само што не се повлече, туку и не се извини, говори како СДС и ДУИ ја заробија државата и како 100тина функционери управуваат со државата како да е нивен личен имот.
ДКСК не смее да чека, да отвори случај и да се отвори постапка и пред другите институции.
Злоупотребите на институциите мора да запрат. По 8ми мај ќе се стави крај ма ваквите практики, а таквите како Битиќи ќе се соочат со одговорност“, соопшти ВМРО-ДПМНЕ.
Македонија
Променливо облачно и нестабилно со пороен дожд и грмежи
Времето денеска ќе биде променливо облачно и нестабилно со пороен дожд и грмежи, особено во источните делови. Локално процесите ќе бидат во форма на краткотрајно невреме со засилен ветер и услови за изолирана појава на град. Минималната температура ќе биде во интервал од 7 до 12, а максималната ќе достигне од 14 до 22 степени.
Во Скопје променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со засилен ветер и изолирана појава на град. Минималната температура ќе се спушти до 10, а максималната ќе достигне до 21 степен.
Продолжува периодот на променливо облачно време со повремени локални врнежи од дожд, освен во недела кога ќе биде претежно стабилно и потопло. Во сабота ќе дува засилен северен ветер.
Македонија
Нема подолги задржувања за влез и излез од државата
Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.