Македонија
Даул: Неопходен е политички консензус во Македонија
Ниедна политичка партија, ниеден лидер, вклучително и тие во опозицијата, не смеат да ги злоупотребуваат европските институции за нивните лични политички цели пред домашната јавност, вели Жозеф Даул, член на Европскиот парламент, во својот коментар за неодамнешниот развој на настаните во Македонија
„Ниту една политичка партија, ниту еден лидер, вклучително и тие во опозицијата, не смеат да ги злоупотребуваат европските институции за нивните лични политички цели пред домашната јавност. Таквата политика е спротивна на европските аспирации на Македонија и може да го загрози целиот процес. Европските интеграции во минатото многу претрпеа поради ваквите политичари. Оттаму, го поздравувам враќањето на опозициските членови на Парламентот на нивната редовна работа.“, вели Даул во изјавата, нагласувајќи дека ЕПП го поддржува процесот на проширување во Југоисточна Европа и ги отфрла политичките напади врз нејзините водечки експерти, оценувајќи како крајно неприфатливи.Даул натаму вели дека во целост го поддржува повикот на пратеникот Бернд Поселт, експерт за Југоисточна Европа во ЕПП групата, дека „сите политички групи, без исклучок, мора да се концентрираат на интегрирањето во Европската Унија со цел овој процес да се престори во реалност“.
„ЕПП Групата е постојано посветена на стабилизирањето на Југоисточна Европа и се залага за интегрирање на регионот во европските структури. Ние, како највлијателна политичка сила во Европа, отсекогаш ги поддржуваме амбициите на поранешната Југословенска Република Македонија на нејзиниот пат кон Европската Унија. За време на мојата посета на Скопје во јуни, на средбите со Претседателот на Републиката и Премиерот, јас лично им ја изразив оваа поддршка, како и поддршката за нивната работа“, вели Жозеф Даул, член на Европскиот парламент и претседател на ЕПП која е најголемата политичка група во европарламентот во својот коментар за неодамнешниот развој на настаните во Република Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Стоилковски: Дали има бактерија МРСА во хируршките сали на „Клиника“?
„Ќе даде ли некој одговор од Владата или од ДУИ и СДС што се случува во хирургија, наместо да се префрла топката од здравството кон ЈО“, праша Наум Стоилковски, портпаролот на ВМРО-ДПМНЕ.
Македонија
Скопскиот булевар „Кочо Рацин“ во мрак, луѓето со блиц од мобилен минуваат на пешачки (ВИДЕО)
Скопскиот булевар „Кочо Рацин“, на кој се наоѓа автобуската станица „Југодрво“, веќе неколку денови е во мрак. Уличните светла долж булеварот не работат, а улиците околу булеварот исто така не се осветлени – единственото светло на него доаѓа од становите на соседните згради.
Мракот ја загрозува безбедноста на пешаците и велосипедистите кои ги преминуваат пешачките премини и кој светат со блиц од мобилните за да поминат.
Граѓанската иницијатива „Шанса за центар“ ги повикуваат Град Скопје и градоначалничката Данела Арсовска да го вратат осветлувањето на булеварот, но досега нема никаква реакција од нив.
Оттаму, „Шанса за центар“ синоќа постави трепкачи за велосипед кај пешачките премини на „Кочо Рацин“, за да привремено „малку од малку“ ја подобрат состојбата на улицата.
Македонија
Обвинителството истражува дали има кривична одговорност за затворените хируршки сали и смрдеата во „Клинички“
Министерството за здравство прати известување до Обвинителството за затворените хируршки сали во Клиничкиот центар „Мајка Тереза“, кое е примено и распоредено кај јавен обвинител. Ќе се преземат дејствија за да се провери дали во настанот воопшто има елементи на кривично дело, соопштуваат од ОЈО Скопје.
Од ОЈО посочуваат дека Обвинителството постапува и гони само доколку има кривично дело.
Како што вчера објавивме, само во три сали во комплексот клиники „Мајка Тереза„ во моментов се извршуваат исклучително итни операции. Останатите сали веќе 7-ми ден се затворени, поради ширеење на непријатна миризба.
За состојбите на клинички центар вчера на прес-конференција реагираше портпарол на ВМРО-ДПМНЕ, Наум Стоилковски, кој рече дека цела недела, од минатата сабота трае проблемот со системот односно цевководот за кислород до операциски сали, цела недела нема испитување што е, што мириса, дали е загадено, дали навистина има јаглерод диоксид, како и дека во меѓувреме, со потпис со лична согласност, луѓе се оперираат на сопствен ризик.