Свет
Се урна авион во регионот на Еверест, 19 мртви
Авион кој пренесувал планинари во регионот на Еверест се запалил и се урнал неколку моменти по полетувањето од главниот град на Непал, при што загинаа 19 луѓе, Британци и Кинези, соопштија властите.
Пилотот од домашната авио компанија Sita Air пријавил проблеми две минути по полетувањето, а надлежен на аеродромот во катманду, Ратиш Чандра Суман вели дека пилотот се обидувал да се врати назад.
Уривањето на авионот се случило на само 500 метри од аеродромот.
Иследниците се обидуваат да ја пронајдат причината за уривањето на авионот и да ги идентификуваат жртвите, а Суман не можеше да потврди дека авионот се запалил пред да падне.
Видео направено со мобилен телефон од локални жители покажува дека авионот е запален кога удира во земјата, како и дека пилотот се обидува да го спушти безбедно авионот, покрај реката.
Пожарот полека се ширел по трупот на авионот, но опашката останала во еден дел на местото на настанот покрај реката Манхора, југозападно од Катманду.
Селаните не можеле да се приближат до авионот да помогнат заради пожарот, се додека пожарникарите не дошле и не го изгасиле огнот.
Полицијата се обидува да ги идентификува телата, барајжи документи на местото на несреќата.
Седуммина од патниците биле Британци, а петмина се Кинези, додека четворица од патниците и екипаѓот се од Непал.
Авионот требало да лета до Лукла, последната точка пред искачување на планинарите на Монт Еверест.
Авионската несреќа се случува пет дена по лавината која се случи на еден врв во која загинаа седуммина планинари и еден непалски водич./крај/ап/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два месеци од исчезнувањето на Данка Илиќ – телото сè уште не е пронајдено, таткото на осомничениот за убиство од денес на слобода
Двегодишната Данка Илиќ исчезна на 26 март во населбата на Бањско Полје, во Бор, а нејзиниот случај не доживеа целосен епилог. Имено, дури и по признанието на двајцата работници на ЈКП „водоснабдување“ дека девојчето го убиле и го фрлиле телото на блиската депонија, нејзиното тело сè уште не е пронајдена.
Десет дена по интензивното пребарување, работниците на ЈКП за кои постојат сомненија дека го убиле девојчето беа уапсени. Тие се во притвор од 6 април заради опасност од бегство, можноста да влијаат на сведоците и да уништат или отстранат траги од извршениот криминал, како и јавно вознемирување.
И таткото на Д.Д кој беше во притвор денес излегува на слобода, затоа што за кривичното дело за кое е осуден , притворот не може да трае подолго од два месеци. Инаку е осомничен дека му помогнал на својот син да го премести телото на девојчето, а од денес добива шанса да се одбрани од слободата.
Во понеделникот, беше испрашан и директорот на ЈКП „Водод“ кој поднесе оставка по убиството, како и мештанин од селото Лука.
До обвинителството сè уште не е доставено докази за трагата на движење на возилата, кои, како што се осомничени, го убиле девојчето и сè уште не пристигнала целосна биолошка експертиза. По пристигнувањето на сите докази, обвинителството ќе донесе одлука за понатамошниот тек на дејствување, пренесе Танјуг.
Европа
Драма во просториите на Европскиот парламент: полициски рации поврзани со руско влијание
Полицијата ги испитува тврдењата дека пратениците на Европскиот парламент се платени за да ја промовираат руската пропаганда на веб-страницата на гласот на Европа.
Полицијата денес изврши рации во врска со „руското влијание“ во Европскиот парламент, се вели во соопштението на федералниот обвинител.
Пребарувањата, извршени во приватна резиденција во Брисел и во канцелариите на Европскиот парламент во Стразбур и Брисел, се поврзани со таканаречениот Русијагејт, каде што наводно на пратениците на Европскиот парламент им се пристапувало и наплатувало за промовирање на руската пропаганда преку веб-страницата на гласот на Европа.
„Постојат индикации дека дотичен службеник на Европскиот парламент одиграл значајна улога во ова“, соопштија белгиските органи за спроведување на законот.
Свет
Откриено во каква состојба е Кејт Мидлтон: сè уште прима терапија
Принцезата Кејт, која во март откри дека страда од карцином, сега многу подобро го толерира лекот што го добива за време на постапката на превентивна хемотерапија, пренесува „Венити фер“.
„Тоа беше големо олеснување што го толерира лекот и дека таа навистина е многу подобро“, се вели во соопштението.
„Тоа беше, се разбира, многу предизвикувачко и загрижувачко време. Сите се собраа околу неа – Вилијам, нејзините родители и сестрата и братот“, велат изворите.
По наводното сознание дека принцезата на Велс била надвор со семејството во последните денови додека го продолжува третманот на превентивна хемотерапија, се појавија шпекулации и кога Кејт ќе им се врати на официјалните обврски.
Иако постојат индикации што укажуваат дека Кејт може да се врати наесен, палатата и кралските инсајдери потенцираат дека официјалниот датум на враќање сè уште не е планиран.