Регион
Вучиќ: Бевме многу близу да ги ослободиме грабнатите во Либија
Српскиот премиер Александар Вучиќ во саботата изјавил дека Србија била „многу блиску“ ослободувањето на двата службеници во српската амбасада грабнати во ноември 2015 година во либискиот град Сабрата, пред да бидат убиени во американски воздушен напад врз позиции на екстремната сунитска група Исламска држава во овој град.
Како најодговорен за грабнувањето на двајцата српски дипломати, премиерот Александар Вучиќ ги посочи припадниците на поширокото семејство на извесен Ахмед Абаши, кој се занимавал со криумчарење и префрлување имигранти од Либија кон Италија. Додаде дека Абаши не бил припадник на Исламската држава, но тесно соработувал со оваа терористичка организација.
Оценувајќи дека станувало збор за „голема заложничка криза со којашто се соочи Србија“, во којашто српската разузнавачка агенција БИА постапувала „извонредно професионално“, Вучиќ истакна дека двајцата грабнати „ги убија американски бомби“, нагласувајќи оти верува дека двајцата дипломати би биле ослободени доколку не биле убиени во американското бомбардирање.
Според Вучиќ, грабнувањето не било случајно, но двајцата српски службеници најверојатно се случајно грабнати, а Србија никогаш директно не преговарала со грабнувачите, но „ги држеше работите под контрола“ и секоја седмица добивала информации дека се живи и здрави. Српската разузнавачка агенција во текот на кризата соработувала со повеќе странски служби и агенции, вклучително и руските и американските.
Вучиќ рече и дека и во саботата разговарал со претставници на американските служби, но „според сé судејќи, тие немале сознанија“ дека и двајцата Срби како и уште неколку странци, се на локацијата којашто е бомбардирана.
Според него, имало разни опции и понуди за ослободување и откуп, вклучително и понуда на либиските власти за заедничка акција за ослободување, но српските безбедносни агенции процениле дека таквата акција би предизвикала многу жртви, па и можни дополнителни сериозни последици за безбедноста на српските граѓани во странство.
На вонредната прес-конференција во владата на Србија, Вучиќ најави дека телата на настраданите во понеделник ќе бидат донесени во татковината. Тој соопшти дека на министерството за надворешни работи ќе му сугерира по овој трагичен случај и моменталните околности во оваа земја, да биде затворена српската амбасада во Либија.
Двајцата службеници на српската амбасада, Слаѓана Станковиќ и Јовица Степиќ. беа грабнати во либискиот град Сабрата на 8-ми ноември, при напад врз колона возила во која бил и амбасадорот на Србија Оливер Потежица.
Сабрата се смета за едно од упориштата на екстремистите во Либија, каде безредието по соборувањето на режимот на Муамер ел-Гадафи привлече радикални екстремисти и џихадисти.
Американското министерство за одбрана потврди дека неговите воздухопловни сили извршиле воздушни напади, наведувајќи дека целата бил камп за обука на Исламската држава во Сабрата. Според Пентагон, целта претставувала опасност за САД. Во нападот загинале повеќе од 40 луѓе, најголем дел Тунижани кои се наоѓаат во соседна Либија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.