Македонија
Институциите со различна пресметка за бројката стечаи
Централниот регистар и Министерството за економија различно го пресметуваат бројката фирми во стечај
Министерството за економија реагира на информацијата на „Макфакс“ за бројката фирми кои отишле во стечај. Вчера беа објавени споредбени податоци од Министерството за економија и Централниот регистар со кои се покажува нагорен тренд на бројот на стечаите. Од Министерството за економија велат дека со податоците од двете институции не може да се прави споредбена анализа поради тоа што се однесуваат на различни категории на стечајни постапки и користење на различна методологија.„Министерството за економија во спроведувањето на Законот за стечај од почетокот на 2008 година формира база на податоци за повеќе елементи од областа на стечајот, која редовно се ажурира со податоци кои ги доставуваат овластените стечајни управници и надлежните судови.Врз основа на овие податоци, на 30.06.2009 година во тек биле 336, а на 30.06.2010 година 367 стечајни постапки, што значи има зголемување од 9,23 отсто.Значи, станува збор за стечајни постапки кои се во тек, т.е. стечајни постапки кои се уште траат, без разлика кога се отворени, а се водат во надлежните судови и имаат именуван стечаен управник. Во оваа категорија не спаѓаат стечајните постапки кои истовремено се отвораат и се заклучуваат“, велат од Министерството, истовремено потврдувајќи го податокот на Централниот регистар на која се повика текстот, дека во текот на 2010 година се отворени 746 отворени стечајни постапки.Не е првпат македонските институции да користат различни методологии за пресметка на економските показатели. Пред извесно време македонските медиуми на големо пишуваа дека секоја институција располага со различни податоци за нивото на странски инвестиции, а опозицијата и дел од експертската јавност често ги доведуваат во прашање и податоците на Државниот завод за статистика, пред се тие кои што се однесуваат на просечната плата и потрошувачката кошница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 32.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.