Амбасадорот во САД и преговарач во спорот за името меѓу Скопје и Атина, Зоран Јолевски, најави дека наредната седмица ќе ги добие ставовите на македонската страна за последниот сет идеи

„Како што знаете, специјалниот пратеник на Генералниот секретар на ОН, Метју Нимиц при неговата посета на Скопје и Атина презентира модифициран сет на идеи, при што беше договорено во август двете страни да ги достават своите ставови по истите. Модифицираниот  сет на идеи внимателно се анализираше во овој период. Деновиве дојдов во Скопје каде во петокот и во текот на викендот имав одделни средби со претседателот Ѓорге Иванов, премиерот Никола Груевски, вицепремиерот Абдулаќим Адеми и министерот за надворешни работи Антонио Милошоски. Во текот на ова недела ќе му бидат пренесени нашите ставови за модифициранот сет на идеи на медијаторот Метју Нимиц, како дел од континуираниот дијалог.  По ова очекуваме  медијаторот да не’ информира за неговите планови за следните чекори во разговорите за разликите околу името.“, рече амбасадорот Зоран Јолевски на прашањето за тоа кои се идните планови на одвиваа во преговорите за името со Република Грција, под медијаторство со специјалниот пратеник на генералниот секретар на ОН, амбасадорот Метју Нимиц. Амбасадорот на Република Македонија во САД, Зоран Јолевски, деновиве престојуваше во Скопје на консултации со државниот врв за следните чекори во разговорите за името. Средбите што деновиве тој ги имаше се во контекстот на редовните консултации и кординациии, при што од македонска страна уште еднаш е покажана посветеност во прговарачкиот процесот. Јолевски е амбасадор на Македонија во САД повеќе две години, а прговарач за името во спорот со Атина е од крајот на ноември минатата година. Неговото назначување дојде во период на намалена дипломатска активност во однос на спорот со Грција, откако поранешниот претседател Бранко Црвенковски неочекувано тогаш го разреши Никола Димитров од должноста.Тој претходно беше долгогодишен преговарач на Република Македонија со Светската трговска организација, како и шеф на кабинетот на покојниот поранешен претседател на државата Борис Трајковски.Минатиот месец, во интервју амбасадорот Јолевски истакна дека македонската страна внимателно ги анализира предложеите идеи кои досега не се комнетирани од двете страни. Како што тогаш нагласи, медијаторот Нимиц претпочита двете страни внимателно да ги анализираат неговите последни предлози за надминување на разликите околу името. „Пуштањето во јавноста на поединости кои не се финално договорени само може да му наштети на процесот. Исто така, мошне битно е да има единство и кохезија во Република Македонија, затоа што ова прашање е особено значајно за граѓаните.“, потенцираше на почетокот од јули Јолевски, кој и сега го задржува истиот став по прашањето на ткн. модифициран сет идеи предложени од Нимиц.Според Јолевски, македонската страна е поготвена активно да соработува со медијаторот Нимиц со цел да се изнајде заедничко прифатливо решение. Притоа, тој вели дека треба да се заштити дигнитетот, идентитетот и интегритетот на македонските граѓани.