Свет
Пустош на железничката линијa Скопје-Кичево
Од пругата Скопје-Кичево, на која не поминал воз веќе четири години, е украден и оштетен имот вреден 500.000 евра, дознава “Дневник”.
По возот ја снема и пругата
Од пругата Скопје-Кичево, на која не поминал воз веќе четири години, е украден и оштетен имот вреден 500.000 евра, дознава “Дневник”. Никој од Јавното претпријатие “Македонски железници” досега не е повикан на одговорност поради уништувањето на пругата, каде што каблите за сигнализација и телекомуникација се целосно неупотребливи, а шините се запуштени и обраснати со шуми.
Пругата Кичево-Скопје пред воениот конфликт во 2001 година беше една од најфреквентните во земјава. Голем број патници од западниот дел на земјава, поради евтиниот билет, со воз одеа на работа во Скопје, Тетово, Јегуновце.
Министерството за транспорт побарало Владата од буџетот за 2006 година да одвои половина милион евра за обновување на пругата до Кичево и таа да биде третирана како приоритетен проект.
– Железницата нема пари да ја обнови пругата, а не може да земе ни кредити за таа намена бидејќи јавното претпријатие е веќе задолжено до гуша. Уште нема решение за долгот од 135 милиони евра иако тоа треба да се најде пред поделбата на Железницата на две претпријатија – велат во Министерството за транспорт.
Возот до Кичево не сообраќа од 2001 година. Во 2002, тогашните министри за внатрешни и за надворешни работи, Љубе Бошковски и Слободан Чашуле, симболично пропатуваа со “возот на мирот”, најавувајќи нормализирање на железничкиот сообраќај во Полошкиот регион.
– Оттогаш пругата низ Полог ја поминаа само десетина воза. Повеќе од три години нема патници на станиците – велат вработени во железницата. Тие сметаат дека иницијативата за враќање на возовите е оправдана и има економска логика бидејќи превозот е поевтин. На оваа пруга, кога била во функција, дневно минувале пет до шест патнички воза.
Владата неодамна го одби проектот на шпанската компанија “ББ Реил” за модернизација и електрификација на железничката пруга од Скопје до Кичево, вреден 36 милиони евра. Високата цена за поправка на пругата се должи на обврската да се почитуваат меѓународните стандарди за поголема безбедност на патниците и за побрзо сообраќање на патничките возови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Америка треба да се повлече од војната во Украина
Републиканскиот претседателски кандидат, Доналд Трамп, изјави дека САД треба да се повлечат од војната во Украина и дека демократската потпретседателка, Камала Харис и претседателот Џо Бајден немаат намера да го сторат тоа.
„Бајден и Камала не’ воведоа во војната во Украина и сега не можат да не’ извлечат. Не можат да не’ извлечат“, рече Трамп во својот говор во Џорџија.
САД немаат војска во Украина, но обезбедија воена и хуманитарна помош вредна милијарди долари.
„Мислам дека сме заглавени во таа војна, освен ако не станам претседател. Ќе ја прекинам. Ќе преговарам и ќе излеземе. Мораме да излеземе“, рече Трамп.
Свет
Зеленски: Војната со Русија е поблиску до крајот отколку што мислат луѓето
Претседателот на Украина, Володимир Зеленски, денеска изјави дека војната со Русија е поблиску до крајот отколку што се мисли.
„Мислам дека сме поблиску до мир отколку што мислиме. Само треба да бидеме многу силни“, изјави Зеленски за ABC News.
Тој додаде дека победничкиот план што ќе му го претстави на американскиот претседател Џо Бајден оваа недела ќе бара од сојузниците да „помогнат за зајакнување“ на украинската армија.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.