Свет
Политички тендери во битолската библиотека
Цената од илјада денари што на тендер ја понуди агенцијата „Карпатија“ од Битола за обезбедување на битолската библиотека, директорот Науме Ѓорѓиевски ја одбил зашто била прениска.
Цената од илјада денари што на тендер ја понуди агенцијата „Карпатија“ од Битола за обезбедување на битолската библиотека, директорот Науме Ѓорѓиевски ја одбил зашто била прениска.Тој со комисијата за набавки одлучил во 2007 година објектот да го обезбедува скопската агенција „Перпетумобиле секјурити клуб“, која за истата работа понудила трипати повисока цена. Од Агенцијата за обезбедување лица и имот „Карпатија“ обвинуваат дека во случајот не било постапено според Законот за јавните набавки и поднесле приговор до Второстепената владина комисија, а ги известиле МВР и Антикорупциската комисија.
– Еднаш треба да им се стави крај на овие политички игри. Ако треба и без пари ќе ја обезбедуваме библиотеката оти тоа е во наш интерес – вели директорката на „Карпатија“, Жана Чкљамовска.
Таа е сопруга на Љупчо Чкљамовски, кој во мандатот на СДСМ беше началник на Одделението за државна безбедност во Битола. Нејзината агенција ја обезбедуваше библиотеката во изминатите две години додека со неа директоруваше Јелена Петровска, кадар на СДСМ.
Новиот директор Ѓоргиевски, кој е кадар на ВМРО-ДПМНЕ, вели дека алармниот систем на „Карпатија“ бил лошо инсталиран.
– Алармот беше поврзан на локална телефонска линија и кога немаше струја обезбедувањето затајуваше. Од друга страна, се плаќаа по 6 илјади денари месечно. Зошто сега фирмата дава понуда од илјада денари и каде завршувале другите пет илјади денари во изминатите две години – прашува Ѓорѓиевски.
Од „Карпатија“ велат дека во реонот на библиотеката обезбедуваат околу 30 објекти. Бидејќи се работи за реномиран објект од национална важност, решиле да ја симнат цената. Директорката Чкљамовска тврди дека работат со најсовремени канадски аларми, кои за 9 секунди вршат дојава.
– Ако снема струја, алармот содржи 24-часовна батерија за напојување, па не се нарушува работата – вели таа.
(Ж.З.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.