Македонија
МВР: Македонија ги имаше најмирните и најдемократски избори
Министерството за внатрешни работи на Република Македонија оцени дека државата ги имала најмирните и најдемократски избори во историјата од своето осамостојување и дека за време на гласањето биле регистрирани само шест прекршоци за кои МВР поднесе кривични пријави.
„Станува збор за повреда на слободата на определување на избирачите – две дела и по една за повреда на тајноста на гласањето, злоупотреба на избирачко право, спречување на избори и гласање и напад на овластено службено лице при вршење на работи на безбедноста”, соопштуваат од МВР и додаваат дека девет лица се казнети за направени прекршоци учество, предизвикување или потикнување тепачка и за физички напад и оддавање на пијанство.
Секторот за внатрешна контрола и професионални стандарди поднел извештај за поведување постапка за утврдување дисциплинска одговорност против еден полицискиот службеник од Крива Паланка, кој на денот на изборите, постапувал спротивно на задачите наведени во наредбата за вонредно обезбедување избирачко место.
МВР оцени дека целокупниот негов состав беспрекорно ги завршил своите обврски и задачи и дека за прв пат во сите досегашни изборни циклуси не е регистриран ниту еден прекин на гласањето, ниту се регистрирани нарушувања на јавниот ред и мир на самите избирачки места.
За потребите на изборниот процес беше спроведена обука за 7.000 полициски службеници.
Повеќе од 4.100 полициски службеници беа ангажирани за обезбедувањето на вкупно 580 митинзи и средби со граѓани./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нема бојкот на претседателските избори, сите што излегле на парламентарни, гласале и за претседател, уверува Даштевски
Нема бојкот на претседателските избори, сите што излегле на парламентарни, гласале и за претседател, вели претседателот на ДИК, Александар Даштевски.
„На неколку места се појавени технички проблеми, кои во меѓувреме се решаваат, таму гласањето ќе продолжи на стар начин со УВ ламба и спреј, а доколку се исправат техничките недостатоци, ќе се продолжи со техничката опрема. Такви места има во Кочани, Охрид, во Куманово, во Тетово и во Гази Баба.
Како што дополнува, има доставено и 15 приговори за избирачко право, и само три од нив се одбиени.
Во однос на излезноста на парламентарните избори, до 9:00 часот, по обработени податоци од 1033 изборни места, гласале 4,45%. Според податоците на ДИК, најголема излезност има во Пробиштип, а најмала излезност за парламентарните избори има во Боговиње (1,43%).
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавачите не треба да извршуваат дејност со исклучок на оние каде работните процесите заради својата природа не можат да се прекинат.
Поради првиот круг од претседателските избори, неработен беше и 24 април. Според одлуката на техниката Влада, двата неработни дена нема да се одработуваат.