Свет
Астрономски цени на Хаити
Жителите на Хаити по земјотресот останаа без ништо, тешко доаѓаат до вода и храна. Препродавачите го користат ова и ги продаваат намирниците по астрономски цени. Ноќевање во обичен хотел чини 200 долари, а кајганата 13 долари.
Жителите на Хаити по земјотресот останаа без ништо, тешко доаѓаат до вода и храна. Препродавачите го користат ова и ги продаваат намирниците по астрономски цени.
Ноќевање во обичен хотел чини 200 долари, а кајганата 13 долари. Пред земјотресот ноќевањето во истиот хотел чинеше 70 долари. Цената на флашираната вода е зголемена за два пати, а исто така и цената на бензините.
Стоката која се продава на улиците на Порт-о-Пренс во најголем дел е украдена од срушените самопослуги. Во градот каде 90 отсто од рестораните и продавниците се срамнети со земја, оброкот е луксуз.Според изјавите на новинарите кои доаѓаат од целиот свет, за тестенини прелиени со сос од домати треба да платите 11 долари. Со тоа цените во Порт-о-Пренс, најсиромашниот главен град во Латинска Америка, се изедначија со Мадрид и Рим.
Меѓународната заедница, според податоците на ОН, досега вети помош за Хаити од вкупно 1,2 милијарди долари, а се проценува дека помош во храна на разурната држава ќе и биде потребна уште најмалку шест месеци.
Околу 200.000 Хаиќани во последните девет дена добиле околу милион оброци, се наведува во извештајот на Светскатапрограма за храна и се проценува дека во наредните триесет дена ќе бидат потребни околу 100 милиони оброци. Според податоците на Меѓународната организација за мигранти, на Хаити се отворени околу 300 импровизирани прифатни центри за околу 370.000 луѓе кои останале без своите домови.
Според последните податоци во земјотресот што го погоди Хаити, загинаа најмалку 75.000 луѓе, 250.000 се повредени, а околу милион се без покрив над глава.
Цивилната заштита на Хаити проценува дека во земјотресот се уништени околу половина од зградите во главниот град на земјата која пред земјотресот важеше за една од најсиромашните држави на двата американски континенти. /крај/бе/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Берлин нападната сенаторка, трет напад врз владин политичар за само неколку дена
Германската полиција соопшти дека поранешната градоначалничка на Берлин, сенаторката Франциска Гифај била нападната во локалната библиотека каде непознат маж ја удрил одзади со торба наполнета со тежок предмет, а потоа побегнал.
Во нападот Гифај, која сега е министерка за економија на Берлин и член на партијата СПД на канцеларот Олаф Шолц, беше полесно повредена.
Нападот врз Гифаи е трет напад врз владин политичар за само неколку дена, пренесува Ројтерс.
Свет
(Видео) Авион на Боинг принудно слета на аеродромот во Истанбул, екипажот безбеден
Товарен Боинг 763 принудно слета на аеродромот во Истанбул, по дефект на опремата за слетување, јавија државните медиуми.
Екипажот е безбедно евакуиран, јави државната телевизија ТРТ, пренесува ДПА.
Авионот, во сопственост на американската компанија за испорака Федекс, бил на пат од Париз. Неговата опрема за слетување на носот претрпела дефект додека се приближувал кон Истанбул.
Teretni avion sletio na trup na Aerodromu u Istanbulu https://t.co/7GDTFSZtkY pic.twitter.com/lUD5URlsE0
— Anadolu BHSC (@aa_balkans) May 8, 2024
Контролната кула била информирана и биле преземени неопходните мерки на претпазливост пред авионот да слета во 08:17 часот по локално време, соопшти ТРТ, повикувајќи се на Министерството за транспорт.
Свет
Шолц: Мирот на Балканот не е нешто што се зема здраво за готово
Германија интензивно се залага за прием на земјите од Западен Балкан во Европската Унија бидејќи членството одамна е ветувано, изјави германскиот канцелар Олаф Шолц на средбата со Денис Беќировиќ, член на Претседателството на БиХ, пишува „Дојче веле“.
Германскиот канцелар потоа потсети дека членството во Европската Унија, пред сѐ, зависи од условите што земјата членка мора да ги исполни на патот кон таа цел. Можеби тоа беше мал одговор на сите оние од Западен Балкан што се чувствуваа заобиколени откако на крајот на минатата година им беше отворен патот на преговорите на Украина и Молдавија по скратена постапка. Сега Шолц уште еднаш јасно стави до знаење дека патот е долг, а за некои многу, многу долг.
Тој се осврна и на безбедносната ситуација во регионот и рече дека мирот на Западен Балкан „не е нешто што се зема здраво за готово“.
„Босна и Херцеговина игра важна улога овде и ќе се спротивставиме на секој обид за загрозување на територијалниот интегритет и суверенитет на Босна и Херцеговина“, рече Шолц и нагласи дека затоа Германија ќе истрае да учествува во воените мисии „Еуфор“ и „Алтеа“.