Свет
Обама и Далај Лама најпопуларните лидери во светот
Американскиот претседател Барак Обама и духовниот лидер на Тибет Далај Лама се двајцата најпопуларни лидери во светот, според новата анкета на јавното мислење, спроведено во шест земји.
Американскиот претседател Барак Обама и духовниот лидер на Тибет Далај Лама се двајцата најпопуларни лидери во светот, според новата анкета на јавното мислење, спроведено во шест земји.
Обама освоил 77 отсто поддршка, со еден отсто повеќе отколку во ноември, покажуваат податоците од анкетата, спроведена од Harris Interactive за телевизија France24 и Радио Франс интернационал.
Духовниот водач на Тибет е на второ место со 75 отсто, следен е државниот секретар на САД Хилари Клинтон со 62 отсто.
Папата Бенедикт XVI е седмиот најпопуларен лидер во светот, со поддршка на 36 отсто од испитаниците.
Истражувањето беше спроведено преку интернет од 31 март до 12 април.
Во него учествувале 6.135 возрасни лица од 16 до 64 години од Велика Британија, Франција, Германија, Италија, Шпанија и САД.
Германскиот канцелар Ангела Меркел беше на четвртата позиција со поддршка од 54 отсто. По неа следи францускиот претседател Никола Саркози, кој го дели петтото место со генералниот секретар на ОН Бан Ки-Мун, со 37 отсто.
Непопуларни лидери според анкетата се претседателот на Иран Махмуд Ахмадинеџад, либискиот лидер Муамар Гадафи и кинескиот претседател Ху Џинтао. /крај/бгн/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нови детали за малата Данка: нејзината ДНК не била пронајдена на автомобилот со кој била удрена
Како што пренесува „Нова.рс“, на ниеден од предметите што биле земени за помош во истрагата не биле пронајдени биолошки траги од двегодишната Данка Илиќ од Србија.
Српскиот портал напиша дека досега се пронајдени повеќе од 400 траги во службеното возило за кое се сомневаат дека го користеле Дејан Драгојевиќ и Срѓан Јанковиќ кога, според нивното признание, го удриле девојчето. Обвинителството пред неколку дена ги доби резултатите од новите вештачења.
„Од внатрешноста на службениот автомобил во Бор се земени повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ ниту во самиот автомобил ниту на надворешните делови од возилото“, пишува „Нова.рс“ повикувајќи се на Вишото јавно обвинителство.
Медиумот потсетува дека осомничените работници на фирмата „Водовод“ од Бор, Јанковиќ и Драгијевиќ, биле на работна задача на 26 март кога во Бањско Поле исчезна двегодишно девојче. Според признанието на Драгијевиќ, девојчето го удриле со службеното возило, го задавиле и го фрлиле на дива депонија, од каде што два дена подоцна Дејан со својот татко (73) и сега починатиот брат Далибор (40) наводно го преселиле телото на друга, непозната локација.
Телото на двегодишната Данка сè уште не е пронајдено.
Регион
Се урна конструкција на рингишпил, повредени 13 деца, од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче, чиј живот е во опасност и има сериозни повреди на главата и ‘рбетниот столб.
Таа била итно префрлена во КЦ „Ниш“ на Одделот за неврохирургија.
Седум деца се во друга болница, каде што во тек е понатамошна дијагностика, а другите деца се полесно повредени, пишуваат тамошните медиуми.
Свет
Кремљ: Мешањето на силите на НАТО во украинскиот конфликт – огромна опасност
Режимот во Киев е прилично непредвидлив, интервенцијата на воените сили на НАТО во украинскиот конфликт на теренот претставува огромна опасност, изјави за новинарите портпаролот на Кремљ, Дмитриј Песков.
Според него, Москва ја смета за крајно провокативна петицијата објавена на веб-страницата на украинскиот лидер Володимир Зеленски, во која се апелира да се поканат странски војници во Украина.
„Сметаме дека ова во најмала рака е крајно провокативно и го следиме многу внимателно“, рече Песков.
Францускиот претседател Емануел Макрон неодамна во интервју за „Економист“ изјави дека не ја исклучува можноста за испраќање војници во Украина на барање на Киев доколку Русија ја пробие линијата на фронтот. Според него, многу земји од ЕУ се согласиле со мислењето на Париз за ова прашање.
Медиумите претходно објавија и дека Франција испратила војници од својата Легија на странци во Украина, пренесува „Танјуг“.