Свет
Насилни протести во САД
Полицијата во Окланд, Калифорнија уапсила 83 лица откако протестите за блага казна за бел полицаец за убиство на невооружен црнец прераснале во насилни со кршење и ограбување продавници во центарот на градот
Поротата утврдила дека сообраќајниот полицаец Џонатан Месерл е виновен за убиство од небрежност на 22-годишниот Оскар Грант на Нова година 2009 г., за што вообичаената казна е од две до четири години затвор. За овој случај, тражеа построга казна за убиство.Според известувањето на локалната телевизиска станица KPIX на мрежата CBS, полицијата соопштила дека група крадци провалила во продавниците додека траел протестот на околу 800 луѓе, повеќето од авфро-американско потекло. Толпата луѓе влегле во продавниците за спортска опрема Foot Locker, кршеле излози и грабале стоки, рекол за медиумите полицискиот началник Ентони Батс. Во безредијата биле оштетени и деловници на две банки, кои ги чувале припадници на специјалната полиција. Градоначалник на Окланд, Рон Делумс, изјавил дека е задоволен од тоа како полицијата реагирала, и ги замолил незадоволните од пресудата мирно да протестираат. Инаку сообраќаецот Мерсел со истрел од зад грб го застрелал Грант кој лежел на подот, а снимката од ова убиство речиси цела година била ставена на YouTube. Полицаецот пред судот се бранел дека Грант се опирал на пасењето и дека тој заради вознемиреност во збунетоста ги извлекол пиштолот наместо „елктрошокерот“ и пукал.Министерството за правда во Вашингтон, вчера соопшти дека ќе ја преиспитува спорната пресуда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.