Црна хроника
Тројца повредени во три одделни сообраќајки

Во три одделни сообраќајни несреќи, во изминатото деноноќие, повредени се возач на сканија, сопатник и пешак, соопшти полицијата.
Имено, во средата околу 11.50 часот на патот Градско-Прилеп се случила сообраќајна незгода во која Ѓ.Д. (30) од Неготино, управувајќи камион „сканија“ со полуприколка со велешки регистарски ознаки, од непознати причини товарот од полуприколката паднал на коловозот, по што удрил во дрво. Во незгодата возачот се здобил со тешки телесни повреди и по укажаната лекарска помош во Градска болница Прилеп е префрлен во Ургентен центар Скопје. Истиот ден, во 18.10 часот на магистралниот пат Струмица – Граничен премин „Ново Село“ се случила сообраќајна незгода во која К.М. (20) од Струмица, управувајќи автомобил „опел зафира“ со струмички регистарски ознаки, изгубил контрола над возилото и удрил во задниот дел од паркирано „југо“ со струмички регистарски ознаки, паркирано од Д.Т. (47) од село Самоилово. Во незгодата сопатничкатаод автомобилот „југо“ Љ.Т. (59) од село Самоилово се здобила со тешки телесни повреди. Таа е пренесена и задржана на лекување во Медицински центар Струмица. Во 19.20 часот во Струмица на булевар „Маршал Тито“ се случила сообраќајна незгода во која З.А. (30) од село Дравош, управувајќи автомобил „лада рива“ со струмички регистарски ознаки, удрил во пешакот П.Е. (70) од Струмица. Во незгодата пешакот се здобил со тешки телесни повреди. Истиот е пренесен и задржан на лекување во Медицински центар Струмица. Извршен е увид на местата на несреќите./крај/мф/бб
Извор: Илустрација
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Штипјанец тешко повреден: со мопед паднал на коловозот

Синоќа околу 20.10 часот во СВР Штип било пријавено на ул.„Суитлак“ во Штип, И.Ј.(47) од Штип, управувајќи мопед без регистарски таблички, паднал на коловозот.
Во несреќата со тешки телесни повреди се здобил возачот, констатирани во Клиничката болница Штип. Извршен бил увид од увидна екипа од СВР Штип.
Црна хроника
Се степале поради недоразбирање во сообраќајот

Синоќа во 23.30 часот во Скопје, полициски службеници го лишиле од слобода Л.Д.(26) од с.Зелениково.
Тие постапиле по претходна пријава дека во 19.40 часот на подрачјето на Кисела Вода, поради недоразбирање во сообраќајот, физички го нападнал Т.А.(36) од Пробиштип, со престој во Скопје и го оштетил неговото патничко возило „мазда“.
Тој бил задржан во полициска станица и по целосно документирање на случајот, против него ќе следува соодветен поднесок, соопшти полицијата.
Црна хроника
2.252 сообраќајни прекршока во празничниот викенд, 1.018 за брзо возење

Во текот на празничните денови продолжувајќи со континуираните сообраќајни контроли на патиштата низ земјава, полициските службеници од сите сектори за внатрешни работи издале вкупно 2252 платни налози за сторени прекршоци од страна на учесниците во сообраќајот претежно по однос на Законот за безбедност на сообраќајот на патиштата.
Притоа, заради неправилно паркирање евидентирани биле 308 прекршоци, 1018 заради возење со брзина поголема од дозволената, а дури 254 учесници во сообраќајот управувале возило без возачка дозвола.
Исто така регистрирани биле 105 учесници во сообраќајот кои што не користеле сигурносен појас, санкционрани се 25 возачи на мотоцикл за возење без заштитна кацига, потоа изречени се 46 мерки за користење на мобилен телефон при возење, додека пак 66 возачи се отстранети од сообраќај заради возење под дејство на алкохол, а изречена е 21 санкција за минување на црвен семафор.
По однос пак на Законот за возила од сообраќај отстранети се 60 возила од кои заради техничка неисправност 13 а заради неважечка сообраќајна дозвола 47 возила.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи