Регион
Безбедносната состојба во Србија е добра

Безбедносната состојба во Србија е добра, преземено е сѐ за да се сочуваат мирот и стабилноста, изјави српскиот министер за внатрешни работи Небојша Стефановиќ.
Тој во интервју за РТС рече дека во компнената зона на безбедност упатени се дополнителни сили, како и дека е формиран здружен тактички тим кој е составен од припадници на полицијата на војската на Србија и на Безбедносно-информативната агенција.
„Овие единици ќе ја надгледуваат состојбата на теренот во наредните денови и ќе сториме сѐ терористичката активност да не се пренесе во Србија“, порача Стефановиќ.
Тој истакна дека тероризмот и присутен насекаде, па и во овој дел од светот и дека тоа не е нова ситуација.
Стефановиќ информираше дека во последните месеци надлежните служби го следеле развојот на состојбите во регионот, како што беа нападите на полициските станици во Гошинце и во Зворник.
„Го кренавме нивот на готовност и ги презедовме потребните мерки. Со колегите од Македонија, но не само со нив, сме во постојан контакт. Имаме сериозни партнери и сите информации и индиции ги споделуваме токму за да бидеме поефикасни“, рече Стефановиќ.
Српскиот министер информираше дека во делот на државната граница кон Македонија во копнената зона на безбедност биле упатени над 450 припадници на Жандармеријата како и дел од Противтерористичката единица и дел од припадниците на полицијата во Врање, за зајакната е и граничната полиција. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин