Свет
Египќаните гласаат по пет дена насилства во Каиро
Египќаните во средата почнаа со гласање во вториот круг од парламентарните избори во третина од покраините во земјата, откако во судирите меѓу демонстрантите против Врховниот совет на вооружените сили кој управува со земјата
Египќаните во средата почнаа со гласање во вториот круг од парламентарните избори во третина од покраините во земјата, откако во судирите меѓу демонстрантите против Врховниот совет на вооружените сили кој управува со земјата по соборувањето на режимот на поранешниот претседател Хосни Мубарак и безбедносните сили во главниот град Каиро загинаа 14 лица а повеќе од 500 се повредени. Избирачките места се отворени во третина од египетските покраини коишто ги опфаќаат областите на градовите Гиза, Суец и Асуан, за третина од местата коишто мора да се одредат со мнозинскиот изборен систем, како и за пропорционалното гласање кое беше одложено со правосудна одлука за три покраини. Според досеганите резултати од претходните гласања, мандатите ќе бидат поделен меѓу партијата на движењето Муслиманско братство и салафистите. Гласањето треба да трае два дена. Процентот на излезените гласачи во првиот круг пред една седмица изнесуваше 67 отсто. Исламистите очекуваат најмалку 70 отсто од гласовите во своја позла во втората фаза, откако во првата на 28-ми ноември освоија 65 отсто.Станува збор за втора фаза од изборите за Народното собрание коишто треба да завршат во јануари со изборите во последната третина од покраините во Египет. Постапката ќе биде повторена на изборите за Шурата (консултативниот горен дом на египетскиот парламент) а овие избори треба да завршат во март Претседателските избори се предвидени да се одржат кон крајот на јуни следната година./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.