Македонија
Реконструкција на регионалниот пат кај Драчево
Почна реконструкцијата на дел од регионалниот пат Илинден – Калуѓерец во должина од 19 километри, кај крстосницата меѓу патот за Драчево и патот за селото Батинци, што свечено го обележа Никола Груевски, премиерот на Македонија
Како дел од програмата за подобрување на патната мрежа, што е еден од основните предуслови да се обезбеди забрзан и ефикасен транспорт на стоки и патници низ земјава што е од особена важност на странските и домашните инвеститори при носење на нивната одлука да инвестираат во почна реконструкцијата на регионалниот пат П-104.“Модернизацијата на патната мрежа во овој дел на Република Македонија е долгогодишна потреба и одраз на развојните планови и просторниот план на државата уште од пред 20 години. Токму затоа денеска ми е задоволство што отпочнуваме со реконструкција на регионалниот пат Р-104 кој има големо значење за патната мрежа во северниот дел на Република Македонија“, рече премиерот Груевски.Реконструкцијата на оваа делница е дел од капиталниот проект за реконструкција и рехабилитација на 11 регионални патни правци кои Владата ги започна, со вчерашниот почеток на реконструкцијата на регионалниот пат Неготино – Лакавица.“Во рамките на овој проект, во наредните две недели, ќе започне реконструкција на уште девет патишта ширум нашата држава“, рече Груевски, за што Владата има обезбедено пари за реконструкција на повеќе стотици регионални и локални патишта до 2011 година. Патот, Р-104, ги поврзува општините Илинден, Кисела Вода, Сопиште, Зелениково, Студеничани и Македонски Брод, како и повеќе населени места.Наташа Волгановска, директорката на Агенцијата за државни патишта, вели дека на овој патен правец ќе се изврши надрградба на асфалтниот коловоз од крстосницата кај село Батинци до село Говрлево и надградба на патот кон Марков Манастир. “Со реконструкцијата ќе се олесни комуникацијата на жителите од населените места на патот со што значително ќе се зголеми безбедноста на движењето. Патот ќе се поврзе со новиот пат во Поречието чија градба почна пред неколку недели“, рече Волкановска.За реконструкцијата, која е дел од Програмата на Владата, обезбедени се 144 милиони денари. Градежните работи ќе бидат завршени во наредните пет месеци, а ќе ги ги изведува градежната фирма „Алпина Баот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно и нестабилно со пороен дожд и грмежи
Времето денеска ќе биде променливо облачно и нестабилно со пороен дожд и грмежи, особено во источните делови. Локално процесите ќе бидат во форма на краткотрајно невреме со засилен ветер и услови за изолирана појава на град. Минималната температура ќе биде во интервал од 7 до 12, а максималната ќе достигне од 14 до 22 степени.
Во Скопје променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со засилен ветер и изолирана појава на град. Минималната температура ќе се спушти до 10, а максималната ќе достигне до 21 степен.
Продолжува периодот на променливо облачно време со повремени локални врнежи од дожд, освен во недела кога ќе биде претежно стабилно и потопло. Во сабота ќе дува засилен северен ветер.
Македонија
Нема подолги задржувања за влез и излез од државата
Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Тренчевска: Од 2017 година до денес најниската исплатена пензија ја покачивме за 5.309 денари
„330% повисока социјална помош, 53% повисоки пензии, 180% повисока минимална плата, 40 000 просечна плата се нашите резултати и знам дека тоа можеби не е доволно. Затоа вечерва стојам пред вас не како жена, туку како ваша пријателка и комшивка, како жена која работеше со интегритет и бара поддршка за број 1 на 8 мај“ порача Тренчевска од говорницата на митингот во Радовиш.
Ко-носителката на изборна единица 4 од СДСМ, Јованка Тренчевска вечерва на радовишани им порача дека вистинскиот избор е јасен и дека само СДСМ е опција која ќе го води напредокот на општеството.
„Вие највозрасните кои гледам ве има тука во голем број, а со кои деновиве често се среќавав и често ме прашувавте зошто не може покачување од 5000 денари за секој од вас, Ве потсетувам дека од 2017 година до денес најниската исплатена пензија ја покачивме за 5.309 денари, и овој месец најниската исплатена пензија изнесува 13 880 денари. Стабилната исплата на вашите пензии ќе биде доведена во прашање со лажните ветувања на ВМРО, кои слушам деновиве дека започнаа да го раситнуваат лажното покачување на пензиите на месеци, на години и на нови методологии. Знаат и тие дека на лагата и се кратки нозете! Знаат дека 5000 линеарно е невозможно. Но дека е добро за да манипулираат со највозрасните“ рече Тренчевска.
Таа истакна дека во новиот мандат СДСМ се обврзува минималната пензија да ја покачи на 20.000 денари додека просечната пензија ќе ја покачи на 30.000 денари.
„Да продолжиме да градиме мостови посилни од ѕидовите и омразата кои ни ги наметнува ДПМНЕ“ истакна Тренчевска во нејзината покана за граѓаните за да излезат на гласање на 8ми мај.