Во рамки на Катедрата по новинарство и односи со јавноста на Правниот факултет при Универзитетот „Гоце Делчев” во Штип, излезе првиот број на весникот „Студентско Ехо“.

Во рамки на Катедрата по новинарство и односи со јавноста на Правниот факултет при Универзитетот „Гоце Делчев” во Штип, излезе првиот број на весникот „Студентско Ехо“.Како што информираат од катедрата, станува збор за студентскиот весник кој претставува резултат на “стекнатите знаења на студентите по новинарство и односи со јавноста и спој на нивната креативност, идеи и верувања, им овозможува на идните новинари практично да го применуваат она што како знаење и теорија го здобиваат на нивната студиска програма“. Името весникот го добил како инспирација од звукот „што не запира и се шири низ далечината – ехото, кое допира насекаде без препреки и бариери“. „Инспиративни, креативни и храбри” е мотото под кое студентите го пишувале првиот број на весникот, но и мото под коешто, велат, ќе продолжат натаму. Особено достигнување е тоа што весникот го изработуваат првите генерации од насоката Новинарство и односи со јавноста на штипскиот универзитет, во соработка со нивните ментори, а е поддржано од тимот на Центарот за односи со јавноста и целиот Универзитет. Весникот се издава со финансиска поддршка на Студентскиот парламент при Универзитетот „Гоце Делчев“, а ќе излегува трипати во текот на студиската година./крај/мф/сн