Македонија
МВР реагира на пресот на Димовски од СДСМ
Министерството за внатрешни работи не е зачудено што најпозитивните извештаи од Европската комисија за реформите во полицијата во целост се разликуваат од ставовите на СДСМ, бидјечи како што велта – асно е дека таа партија работи по различни начела и критериуми од оние во земјите на ЕУ
„Не постоењето волја да се раскрсти со насилството во сопствените редови очекувано резултира со обид сите други да бидат претставени како исти. Мора да ги разочараме дека тоа не е ниту смее да биде така. Независна истрага и најостри санкции за одговорните се исходот не само на последните, туку на сите настани во кој ќе се укаже на какво било непрофесионално однесување на полициските службеници“, се вели во реакцијата на МВР на денешната прес-конференција на СДСМ.Токму ваквиот однос и решителноста за реформи во полицијата, посочуваат од МВР, се несватливи за СДСМ, кој, според нив, и во Собранието покажал дека „одговорноста за нив е мислена именка кога станува збор за партиски интереси“.„Насилството и насилниците кои напаѓаат, тегнат, туркаат, се закануваат и навредуваат се прифатливи доколку имаат членска книшка. Срамно е да се потценува памтењето на граѓаните кои знаат како СДСМ ја третираше одговорноста при најголемите катастрофи во македонската историја, односно атентанот на претседателот Глигоров и трагичната неразјаснета смрт на претседателот Трајковски. Единственото логично образложение за амнестирањето и одбегнувањето на одговорноста при овие трагедии е проценката на “професионалците“ од СДСМ, или дека била добро завршена работата или дека бргу ќе се заборави, а Законот не смее да важи за оние со иста партиска книшка“, се наведуванатаму во реакцијата на МВР.За МВР токму тука е огромната разлика, бидејќи како што нагласуваат – „сега секој сноси одговорност и за најмалиот пропуст“. Од МВР зметаат дека е кога СДСМ се обидува да лаже за нивната наводна волја за професионализација и се обидува да ги понижи граѓаните кои беа сведоци дека токму нивните пратеници беа против професионализацијата и воведувањето на системот на кариера во полицијата.„„Структурата“ која СДСМ се обидува да ја омаловажи, изминативе четири години успеа да ја промовира Република Македонија во релевантен меѓународен партнер во борба против криминалот. Наместо „исчезната“ дрога од депоата во времето на „професиналците“ на СДСМ сегашната „структура“ доби пофалби од Интерпол, СЕКИ, ДЕА и сите релевантни меѓународни организации за рекордните заплени на наркотици. Наместо загинати трудници и избегани криминалци како резултат на акцијата во село Раковец (испланирана во 2003 од “професиналците“ на СДСМ), сегашните “структури“ ги реализираа “ Планинска бура“, Радуша и низа други поздравени и од меѓународната заедница, велат од МВР.Воедно се посочува дека наместо 105-то место за кое најголема заслуга имаат “професионалците“ од СДСМ, сегашната “структура“ со акциите како Бумеранг, Метастаза и други ја крена Република Македонија 35 места погоре на листата на транспарентност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.
Македонија
За Бојмацалиев, полицијата е модерна и европска, Тошковски, пак, шокиран од недостоинствените услови во кои работат
Со свеченост во паркот кај авионот во скопско Ново Лисиче денес беше одбележан Денот на полицијата, 7 Мај. Техничкиот министер за внатрешни работи, Панче Тошковски, и дополнителниот заменик-министер, Митко Бојмацалиев, во говорите уште еднаш покажаа дека поинаку гледаат на состојбите во македонската полиција. Бојмацалиев, кој говореше прв, а го слушаа само првите неколку редови гости и полицајци оти голем дел од столчињата беа празни, смета дека полицијата е модерна и европска. За разлика од него, техничкиот министер Тошковски го шокирале условите во кои работат полицајците.
„Овој празничен момент не е време да држиме долги политички говори, туку да се осврнеме на клучното во полициската професија, а тоа се нашите колеги, полициските службеници, кои секојдневно посветено и неуморно ги извршуваат своите службени задачи. Им оддавам признание на колегите што не се со нас, вечна им слава. Северна Македонија е прогласена за најбезбедна земја на Западен Балкан од страна на глобалниот индекс за мир бидејќи вложувавме во развојот на модерна и европска полиција. Вложивме 17 милиони евра во подобри услови и изградба на полициски објекти, 14 милиони евра за нови униформи и опрема, ја покачивме платата 35 отсто и ги исплативме сите бонус плати. Единствено, жалам што немавме кога да издадеме уште една монографија за периодот 2022 – 2024 година бидејќи во тој период се реализираа многубројни достигнувања за државата и полицијата. Благодарам од срце за сите убави моменти од 2017 до денеска. Со гордост можам да кажам дека успеавме МВР да го направиме МВР за граѓаните. Уверен сум дека создадовме одлични услови за полицијата да остане непоколеблив бедем за заштита“, рече Бојмацалиев.
Веднаш по него, техничкиот министер Тошковски, заблагодарувајќи им на полицајците, кажа дека работат во недостоинстевни услови.
„Утре навршуваат 100 дена од моето раководење со оваа значајна институција, 100 дена макотрпна работа, во кои го дадовме најдоброто од себе за да им служиме на граѓаните. Кога ја добив честа да бидам назначен на оваа позиција во рамките на техничката Влада, знаев дека ме очекува напорна задача и знаев дека сум исправен пред тежок и сериозен предизвик, но ни најмалку не очекував дека ќе се соочам со толку недостоинствени услови за работа на припадниците на полицијата, а истовремено и дека ќе сведочам на толку неизмерна желба меѓу нив за професионално и чесно да си ја вршат својата должност и да им помагаат на оние на кои тоа им е најпотребно. Краток период, би рекол, но сметам дека е и повеќе од доволен за да увидам одблиску дека во полициските редови сѐ уште има чесни луѓе, луѓе што си ја сакаат татковината и луѓе што работат за нејзино добро“, рече Тошковски.
Тој е задоволен што под негово водство полицијата успеала да обезбеди фер и демократски избори. Најави нова ера во Министерството, каде што унапредувањето ќе се врши исклучиво врз основа на мерит-систем, а платите ќе го одразуваат непроценливиот придонес што го даваат полицајците за општеството.
„На истекот на овие 100 дена научив една многу важна лекција, која се надевам дека ќе одекне меѓу сите вас што сте тука денес. Можеби хероите во филмовите носат наметки, но хероите од нашата реалност носат полициски униформи“, рече техничкиот министер за внатрешни работи, Тошковски.
Тој им врачи благодарници и плакети на најдобрите полицајци, а присутните проследија и прелет на три полициски хеликоптери.