Македонија
„Форум“ – Циле сепак наплаќал незаконски провизии
Васил Тупурковски во времето додека бил директор на Агенцијата за развој и инвестиции наплаќал незаконски провизии на штета на Буџетот на Македонија
Васил Тупурковски во времето додека бил директор на Агенцијата за развој и инвестиции наплаќал незаконски провизии на штета на Буџетот на Македонија.
Ова го тврди неделникот Форум, повикувајќи се на информации до кои дошол.
„Наплатата се вршела во меѓународна мрежа од Агенцијата за развој и инвестиции на Македонија до еврејска фирма од која провизијата од 6 насто се префрлала на сметка на фирма во Грција. Само со една таква трансакција на Циле му била пресметана провизија од 1.000.000 долари“, тврди „Форум“.
Неделникот понатаму наведува дека овие информации фрлаат ново светло врз судскиот случај Тупурковски во кој со пресуда на Основниот суд Скопје 1 за организиран криминал е осуден на 3,5 години затвор. И во текот на постапката и за пресудата, Тупурковски и Јован Андонов Реган како второобвинет, даваа квалификации за политичка хајка. Како сведок пред судот се појави и некогашниот премиер и лидер на ВМРО – ДПМНЕ, Љубчо Георгиевски.
„Форум“ потсетува дека опозицијата деновиве и посетата на претседателот на Апелациониот суд Скопје, Јован Митриновски кај премиерот Груевски ја поврза со судскиот предмет на Тупурковски кој вложи жалба до Апелациониот суд.
Инаку по објавувањето на првостепената пресуда Тупурковски покрена јавен протест на плоштадот Македонија во Скопје за собирање потписи на граѓани за поддршка за оспорување на пресудата за казна затвор.
На Тупурковски поддршка му даде здружение на раселени Македонци од Грција, а поддршка побара и од комисија од Меѓународниот олимписки комитет, како и од некои американски конгресмени. /крај/форум
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.