Свет
Блокирана сметката на визбата "Тиквеш"?
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-5717.jpeg)
Од вчера сметката на винарската визба „Тиквеш„ е блокирана. Причина за тоа е наплатата на побарувањето на државата во вредност од околу 500 милиони денари
Судска одлука за наплата на побарувањето на државата
Сметката е блокирана поради тоа што државата побарува од “Тиквеш” 500 милиони денари
АЛЕКСАНДРИЈА СТЕВКОВСКА
Од вчера сметката на винарската визба „Тиквеш„ е блокирана. Причина за тоа е наплатата на побарувањето на државата во вредност од околу 500 милиони денари. Ова е резултат на судската одлука, која пресече во корист на Министерството за финансии во спорот со „Тиквеш„ околу нејзините долгови спрема државата. Ваквата судска разврска вчера ни беше потврдена од извори во Јавното правобранителство, каде што ни беше објаснето дека е одбиено барањето на „Тиквеш„ за ставање привремена мерка со која би се забранило пуштањето на акцептни налози од Министерството за финансии. Тоа, пак, отворило простор за активирање на акцептните налози од страна на ресорното министерство.
Наплатата на акцептните налози можеше да се реализира само со повлекување на средства од сметката на винарската визба, кое веројатно е активирано по пристигнато барање за блокирање на сметката.
Вчера во Министерството за финансии изјавија дека тие речиси една година водат спор со „Тиквеш„ и дека целата постапка се води од страна на судот, поради што тие немаат информација до каде е целата постапка.
Ѓорѓи Петрушев, член на менаџерскиот тим на „Тиквеш„, вчера ниту потврди, но ниту одрече дека сметката на оваа винарска визба е блокирана, не сакајќи да ги коментира овие наводи. Затоа, пак, оваа вест ја потврди градоначалникот на Кавадарци, Панчо Минов, кој е запознат со блокирањето на сметката.
Во интервју, пак, за „Утрински весник„ во септември годинава, министерот за финансии, Никола Поповски, изјави дека Министерството за финансии нема спор во врска со приватизацијата на „Тиквеш„, туку во врска со побарувањето од околу 500 милиони денари што го има државата, односно ова Министерство.„За тоа имаме поведено судски спор, имаме пресуда од Апелациониот суд во наша корист и чекаме извршување на одлуката од страна на судот„, изјави во таа пригода Поповски.
Блокирањето на сметката на оваа најголема винарската визба ќе значи целосно блокирање на нејзината работа, а со тоа и неможност за исплата на грозјето што се откупува. Ова кавадарчани го оценуваат како дополнителен услов за влошување на состојбите во овој регион, кој еден месец наназад живее под притисок предизвикан од неизвесноста на откупот. Во почетокот, проблем беше откупната цена, а во меѓувреме се премина на проблемот за целосен откуп на понуденото грозје. „Тиквеш„ најави двојно поголем откуп на грозје од минатата година заради надминување на тензијата, но по сў изгледа блокирањето на сметката ќе ги наруши плановите за поголем откуп, но и за исплата на она што досега е откупено и она што треба да се откупи како суровина за производство на вино.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Трамп во приватен разговор: Бајден ја напушта трката, ја имаме патетичната Камала
![](https://makfax.com.mk/wp-content/uploads/2019/04/bajden-tramp.jpg)
На социјалните мрежи се појави видео од републиканскиот претседателски кандидат Доналд Трамп, кој во приватен разговор одржан на теренот за голф тврди дека неговиот ривал, демократскиот кандидат Џозеф Бајден, ќе ја напушти претседателската трка поради лошиот настап на минатонеделната дебата.
Во видеото, Трамп ја опишува потпретседателката Камала Харис како „лоша“.
BREAKING: Leaked video shows Donald Trump saying he thinks Kamala Harris will be the Democrat nominee, says she is "so f**king bad."
"She's so bad. She's so pathetic. She's just so f**king bad."
"How did I do with the debate the other night? I kicked that old, broken down pile… pic.twitter.com/8OKxd1hHc6
— Collin Rugg (@CollinRugg) July 4, 2024
„Тој (Бајден) само што поднесе оставка. Тој ја напушта (претседателската) трка, а тоа значи дека ја имаме Камала (Харис). Мислам дека таа ќе биде подобра, таа е толку патетична, толку е лоша, кажал Трамп од количката за голф во клипот, пренесува „Sky News“.
Според одделни анкети спроведени од „Њујорк Тајмс“ и „Волстрит журнал“, Трамп има поголеми шанси за победа од Бајден.
Врз основа на истражувањето на „Њујорк Тајмс“, спроведено меѓу регистрираните гласачи кои се очекува да излезат на гласање на 5 ноември, 49 отсто од гласачите би гласале за Трамп, а 43 отсто за Бајден.
Бајден треба официјално да биде номиниран во август, а единствениот начин да биде сменет е самиот да си поднесе оставка, што тој негираше дека ќе го стори.
Свет
Русија тврди дека уништила украински МиГ-29 на аеродромот Долгинцево
![](https://makfax.com.mk/wp-content/uploads/2024/07/gfd-1.jpg)
Министерството за одбрана на Русија денеска соопшти дека на аеродромот Долгинцево во областа Дњепропетровск е уништен украински борбен авион МиГ-29.
„Рускиот „Искандер“ изврши ракетен напад врз паркингот за авиони на аеродромот Долгинцево, уништени се борбените авиони МиГ-29 на вооружените сили на Украина, авионското оружје и авијациско-инженерските возила“, соопшти Министерството, пренесе Тас.
Министерството објави и снимка од уништувањето на авионот.
Регион
Туристите и граѓаните на Грција добија итни СМС предупредувања: Се приближува силно невреме, град и грмежи
![](https://makfax.com.mk/wp-content/uploads/2024/07/fds-2.jpg)
Граѓаните и туристите во Солун, Лариса и други области на северна Грција добија предупредување во форма на итна СМС порака поради невремето кое се очекува во текот на денот.
Во пораката се наведува дека од раните утрински часови до пладне се очекува лошо време, како град и грмотевици, пренесува Катимерини.
„Избегнувајте преминување на порои и потоци, пеш или со возило, при невреме и врнежи, работа и активности на отворено. Треба да избегнувате да поминувате под големи дрвја и поставени знаци. Не држете ги вклучените електрични уреди или телефони, бидејќи молњата може да помине низ жиците. Избегнувајте допирање на водоводни цевки (кујна, бања), бидејќи тие се спроводници на струја“, се наведува во предупредувањето.
Исто така, се додава дека ако некој е на отворено за време на невреме, советот е да се држи подалеку од метални предмети, како што се автомобили, велосипеди или опрема за кампување и дека ако некој е во морето, веднаш да излезе.