Македонија
ПЕИ: Дали со навредите на Муслиманите свесно се разгорува меѓуверскиот оган?
Партијата за европска иднина(ПЕИ) и Санџачката лига се згрозени од провокациите и навредите на Вевчанскиот карневал, но и од молкот на власта по случувањата во Струшко.
Партијата за европска иднина(ПЕИ) и Санџачката лига се згрозени од провокациите и навредите на Вевчанскиот карневал, но и од молкот на власта по случувањата во Струшко.
Според нив, директна последица на понижувањето на припадниците на исламската религија на Вевчанскиот карневал се последните инциденти со уништувањето на верските објекти и задирањето во верските чувства на православните верници, кои што остро ги осудуваат.
„Ниту една традиција, макар била и вековна, ниту сатирата со маски, не може да го оправда исмејувањето и понижувањето кое муслиманите го доживеаа со сквернавењето на светиот Куран и на божјиот пратеник Мухамед. Но нема оправдување ниту за оштетувањето на православните објекти“, вели Мевмед Џемајлоски од ПЕИ.
Според него, годинешниот карневал бил политички злоупотребен од страна на владејачката коалиција.
„Се прашуваме дали со навредувањето на Муслиманите чиј дел се и торбешите свесно се разгорува меѓуверскиот оган на нетрпеливоста меѓу граѓаните од различни верски припадности и кому тоа му користи во ваква ситуација. Дали се свесни нарачателите и извршителите за погубните последици кои можат да настанат со вакво играње со оган или пак тоа е нивната вистинска цел“ вели Џемајлоски.
За оваа партија бесрамна е дволичноста на струшкиот градоначалник Рамиз Мерко, кој според него, се појавува како наводен заштитник.
„Сите пратеници и министри од ДУИ ја поддржуваат штетната политика и аминуваат се што ќе предложи Груевски. А уште пострашно е што пратениците на владејачкото мнозинство на социјалните мрежи алудираат на срамот на Вевчани“ додава Џемајлоски.
Тие бараат власта веднаш да реагира и да го запре верското и национално движење на групи и поединци, да престане да си игра со националните и верските чувства и да се сврти кон решавање на суштински проблеми. /крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, Општина Илинден во координација со екипите на ДТУ ТОКСИ ВЕТ – Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно за здравјето на луѓето, одобрено и пуштено во промет од Бирото за лекови.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски-Боки 13 во полицијата.
Ова се однесува на статусот што Јовановски го објави вчера, а каде што посочи дека лица блиски до Кичеец му се закнуваат.
Јовановски вели дека Кичеец е човек што згрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во оваа криминална банда еден од предводниците е Зоран Милевски-Кичеец“, рече Јовановски.
Неговиот адвокат Владимир Туфегџиќ ги оцени наводите на Кичеец како неосновани и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела – загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него дејствуваат преку разни форми на закани и притисоци со цел да го откаже второто гостување во поткастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и културата е рециклирање и рекреирање веќе на постојното. Колку понапредни општествата, толку повеќе се рециклира, се води сметка за животната околина и сè погласна и популарна е second hand модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во „Јавна соба“, под слоганот „Second hand е подобро од ново“, почнува базарот, каде што посетителите може да си набават добро сочувано парче гардероба, чевли, накит, книга или можеби некоја играчка. Ќе има многубројни штандови со разноразни парчиња, кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– заштеда на пари;
– помагање на животната средина и зачувување на природните ресурси;
– поддржувате локален и мал бизнис;
– развивате уникатен стил;
– имате чувство како да сте во потрага по богатство.