Советот е замислен како место за дебата. Тука ќе се дебатира за сите состојби во културата. Сега кога ќе почнат да излегуваат нашите проблеми, ние како совет ќе се обидеме да дадеме стратешки насоки, рече Роберт Алаѓозовски претседател на Советот за култура на СДСМ кој беше конституиран во саботата.

Советот е замислен како место за дебата. Тука ќе се дебатира за сите состојби во културата. Сега кога ќе почнат да излегуваат нашите проблеми, ние како совет ќе се обидеме да дадеме стратешки насоки, рече Роберт Алаѓозовски претседател на Советот за култура на СДСМ кој беше конституиран во саботата.Алаѓозовски додаде дека на 15-ти јануари ќе бидат објавени резултатите од националната програма за култура,кои проекти поминале, посочувајќи дека од тие резултати ќе има големо незадоволство „Советот тогаш ќе одржи седница и ќе каже што треба да се менува во системот за култура во Македонија. Тоа може да го примени Владата, но се разбира доколку има чесни намери. Како и да е, ние ќе донесеме, се надевам џентлменски обврзувачки ставови коишто ќе бидат добри решенија што се разбира, опозициската партија кога ќе биде во состојба ќе ги спроведе, а се надевам и дека ќе бидат добра понуда за граѓаните, со тоа да ја освои власта“, рече Алаѓозовски нагласувајќи дека „без разлика како медиумската машинерија или спинови“ ќе го карактеризирале Советот за култура на опозициската СДСМ, станува збор за отворено тело во коешто членуваат експертски непартиски членови со сиот нивен бекграунд и интегритет и се разбира партиски членови. Денеска беше конституираме Советот за култура на СДСМ, во чиј состав членуваат околу триесетина интелектуалци, уметници, експерти и менаџери во културата. „Ова е своевиден друм тим којшто ќе ги делегитимира лошите и аматерски потези на власта во сферата на културата. Советот за култура ќе создаде стратегија за долгорочен развој на културата во Македонија. Ќе даде насоки како да се направи динамичен, креативен, компетитивен, слободоумен културен систем што ќе создава врвни уметнички дела и трајни културни вредности. Култура во дослух со современите европски и светски трендови“, рече Алаѓозовски. Тој објасни дека основна заложба на Советот ќе биде „да ја ослободи културата од стегите на автократската власт“. „Денес културата во Македонија служи за спроведување на налудничави идентитетски проекти, за перење пари и за градење на фалшлива, Потемкинова слика за македонската реалност. Во Македонија царува политичка автократија и квазикултурен кич. Барокниот кич на балканските мафијаши и тајкуни стана приоритетна владина естетика. Парите се трошат за нови идеолошки и шизофрени музеи, а автентичното културно наследство се распаѓа по градовите“, додаде првиот човек на Советот за култура на социјалдемократите./крај/мф/сн