Македонија
Пожарите не стивнуваат, повеќето намерно потпалени
Силниот ветер што во среда попладне се појави во некои делови, го разгоре пожарот во „Јасен“, каде што огнените пламени зафатија и висока борова шума.
Авионите на дирекцијата за заштита и спасување дејствуваа со 48 исфрлања вода, а во гаснењето беа вклучени и два хеликоптера.
Гори и во атарот на селата тажево и Брезница, Општина Македонски Брод, каде што гори борова шума.
Пожарот кај Радуша е под контрола, а на терен дежураат петмина пожарникари.
Меѓу селата Никиштани и Грачани, Општина Ѓорче Петров, гори приватна дабова шума, заради што екипите на Македонски шуми не дејствуваат. Пожарникарите исто не гаснат бидејќи имаат информации дека на теренот има неексплодирани мини.
Пожар во среда попладне се појави кај селото Гургурница, Општина Брвеница, каде што гореше бујна борова шума, но по интервенцијата на авионите, пожарот беше изгаснат.
Активен е пожарот и околу велешките села Бањица, Дреново и Лисиче, каде што гори габер, даб и стара сеча. На терен се ангажирани седум вработени од Шумско стопанство. Пожарот намерно се потпалува за што е известен и МВР. /крај/дзс/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавачите не треба да извршуваат дејност со исклучок на оние каде работните процесите заради својата природа не можат да се прекинат.
Поради првиот круг од претседателските избори, неработен беше и 24 април. Според одлуката на техниката Влада, двата неработни дена нема да се одработуваат.
Македонија
Започна вториот круг од претседателските и парламентарните избори
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Во вториот круг од претседателските избори граѓаните ќе одлучуваат меѓу Гордана Силјановска Давкова и актуелниот претседател Стeвo Пандеровски.
На парламентарните избори, граѓаните ќе можат да избираат помеѓу 17-те изборни листи, меѓу кои коалицијата „За европска иднина“ предводена од СДСМ, коалицијата „Твоја Македонија“ предводена од ВМРО-ДПМНЕ, коалицијата „Храбро за Македонија“ предводена од ГРОМ, партијата Левица, коалицијата „Европски Фронт“ предводена од ДУИ, коалицијата „Вреди“, движењето ЗНАМ, партиите Родина, Македонска Ера Трета, Демократи, Единствена Македонија, Нова Алтернатива, Аваја, Твоја, Десна, Работничката партија, како и за групата избирачи Џула Челику.