Македонија
Адеми ги презентираше измените во законот за воздух
Измени во насока на редукција на емисиите во воздухот, особено за инсталациите кои подлежат на А интегрирана дозвола, со цел намалување на нивниот удел врз квалитетот на амбиентниот воздух.
Измени во насока на редукција на емисиите во воздухот, особено за инсталациите кои подлежат на А интегрирана дозвола, со цел намалување на нивниот удел врз квалитетот на амбиентниот воздух.Ова се предвидува со измените и дополнувањата на Законот за квалитет на амбиентен воздух, што денеска во Скопје ги презентираше министерот за животна средина и просторно планирање, Абдилаќим АдемиСо измените се очекува да постигне подобрување на спроведувањето на законот, а со тоа и подобрување на квалитетот на воздухот.Како што наведе министерот Адеми, предложените измени се во правец на допрецизирање на одредени дефиниции, допрецизирање на изворите на загадување на амбиентниот воздух, дополнување со критични нивоа како категорија за оценка на квалитет на воздух, подобрување на системот на одредување и класификација на зони и агломерации на територијата на Македонија, како и измени во делот на изработката на плански документи за подобрување на квалитетот на воздухот на локално ниво.„Согласно предлог-измените предвидено е за тие зони и агломерации каде што нивоата на загадувачките супстанции во амбиентниот воздух ги надминуваат граничните или целните вредности да се изработува план за квалитет на воздух, а за агломерациите каде постои ризик нивоата на загадувачки супстанции да надминат еден или повеќе од праговите за алармирање да се изработува краткорочен акционен план, со кој ќе се утврдат мерки што треба да се преземат на краток рок за идентификација на причините за настанатите појави или за времетраењето на надминувањата“, рече Адеми. Намалување на количествата испуштени загадувачки супстанци, предвидено е да се регулира до таа мера, да не учествуваат во загадувањето на воздухот повеќе од 25 отсто од пропишаните гранични вредности за квалитет на воздухот.Оваа предлог–мерка, како што појасни министерот за животна средина и просторно планирање, е во согласност со искуствата од некои земји, каде што редукциите на емисиите, помеѓу другото, се вршат и на тој начин што на изворите на емисии во воздухот им се пропишува колкав удел треба да имаат од целата концентрација на амбиентниот воздухот до граничните вредности за квалитет“, појасни министерот за животна средина и просторно планирање. „Измените и дополнувањата на Законот исто така значат и доусогласување на Законот со Директивата 2008/50 на Европскиот парламент и на Советот, за квалитет на амбиентниот воздух и за почист воздух за Европа“, истакна министерот Адеми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.