Македонија
Тројца повредени во тешка сообраќајка кај Велес
Час и половина по полноќ на излезот од Велес, во близина на манастирот Свети Димитрија се случила тешка сообраќајна несреќа во коај тројца се тешко повредени
Ви сударот учествувале мотоцилк марка „сузуки“ и автомобил „шевролет спарк“. Триесет и едно-годишниот Б.С и 25-годишниот Д.А се борат за живот во Ургентниот центар во Скопје. Нив најнапред лекарска помош им била пружена во хируршкото одделение во градската болница, но поради скршениците на черепот возачот и совозачот на моторот се пренесени на понатамошно лекување во скопскиот ургентен центар.Со тешки телесни повреди се здобил и совозачот во автомобилот, велешанецот А.Д. И нему хирурзите од велешката болница ноќеска му пружале неколку часовна помош но сепак го задржале на лекување на одделението во градската болница. На местото на сообраќајната несреќа увид направиле полицијата и заменик јавен обвинител. Тие ќе ги утврдуваат причините за несреќата. Првичните, засега неофицијални, се информациите дека возачот на автомобилот не му дал предимство на минување на моторот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.