Македонија
Македонија и Грција на различни позиции за името
Позициите на Македонија и на Грција за прашањето за името остануваат различни во најголем дел и по денешната средба на премиерите Никола Груевски и Јоргос Папандреу во Брисел
Позициите на Македонија и на Грција за прашањето за името остануваат различни во најголем дел и по денешната средба на премиерите Никола Груевски и Јоргос Папандреу во Брисел.
Ова го потврди шефот на македонската дипломатија Антонио Милошоски по средбата Груевски – Папандреу.
Сепак, според Милошоски, добро е што на вакви средби има можност да се дискутира за позициите и за целото прашање. Тој смета дека ваквите дискусии и дијалози може да придонесат значително за поголемото разбирање, подобра атмосфера и евентуално кон одреден напредок и приближување на позициите.
Очекувањата треба да бидат базирани на реалноста врзана со македонско-грчкиот спор кој не е ниту нов ниту едноставен и сигурно дека бара многу напор, посветеност и добра волја од двете страни за да може да се оди кон некој напредок, рече Милошоски.
На новинарско прашање дали Македонија може да ги почне преговорите за членство во ЕУ без да се реши името, тој одговори дека тоа зависи од Унијата од Советот на ЕУ, но смета дека релевантни за тоа се копенхашките критериуми, кои Македонија во политичкиот дел ги пресретнува и согласно тоа ја има добиено препораката од ЕК.
Има многу земји кои што веќе преговараат и се подготвуваат за преговори, а кои имаат на некои нивоа различни билатерални прашања за кои што дебатираат во одредена фаза. Од наша гледна точка сметам дека би било важно за кредибилитетот на ЕУ доколку Европскиот совет ги следи препораките на ЕК, рече Милошоски.
Тој очекува медијаторот Нимиц во текот на месец април да определи одреден термин во кој што претставниците од македонска и грчка страна би се сретнале со него каде што по негова проценка би можело да се разговара за одредени сугестии, размислувања кои што се поврзани со прашањето за македонско грчкиот спор.
Прашан за коментар на изјавата на Друцас за можно прифатливо решение Република Северна Македонија, Милошоски вели дека нема некој посебен коментар, „но во принцип логично е дека овие разговори би требало да не доведат до некои компромисни предлози“. /крај/форум/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Фото) Во текот на декември подигнати 𝟣𝟥 𝟢𝟢𝟢 тони комунален отпад во Скопје
Во текот на месецот декември 2025 година, ЈП Комунална хигиена-Скопје подигна и транспортираше вкупно 13 000 тони комунален отпад од кантите во индивидуалните домувања и контејнерите поставени на јавни површини на територијата на градот Скопје, известуваат од ЈП Комунална хигиена-Скопје.

„Воедно, екипите на Претпријатието отстранија и 2200 кубни метри претежно кабаст и градежен отпад од диви депонии лоцирани во сите скопски општини.

Во текот на последниот месец од минатата година, Еко-патролата на ЈП Комунална хигиена-Скопје реализираше голем број едукативни разговори со претставници на стопанските субјекти, како и со лица коишто биле затекнати при неправилно одлагање на отпад, при што се изготвени 225 записници.

Најголем број на записници – вкупно 85 – се врачени во скопската општина Kарпош“, се додава во соопштението на ЈП Комунална хигиена-Скопје.
Македонија
РСБСП Апелира: Возете внимателно и одговорно во зимски услови!
Според прогнозите во наредните денови се најавени снежни врнежи и значителен пад на температурите, РСБСП потсетува на потребата од внимателно и одговорно управување со моторните возила, како и задолжително правилно користење на зимска опрема. Пред поаѓање на пат, неопходно е возилото соодветно да се подготви за управување во зимски услови.
„Направете проверка на возилото која вообичаено опфаќа: проверка антифриз, нивото на гориво, состојба на бришачите и течноста за ветробранското стакло, состојбата на акумулаторот и состојбата и притисокот на пневматиците“.
РСБСП апелира возачите да ги почитуваат сообраќајните правила и прописи и поставената сообраќајна сигнализација, навреме да се информираат за состојбата на патиштата и нивната проодност, да ја прилагодат брзината на движење според условите и состојбата на патот, да одржуваат безбедно растојание меѓу возилата – со цел зголемување на безбедноста на сите учесници во сообраќајот. Истражувањата покажуваат дека неповолните временски услови бараат од возачот поголемо внимание за време на управување со возилото.
Затоа, РСБСП упатува јасен апел: Само со одговорно однесување во сообраќајот сите заедно можеме да придонесеме за побезбеден сообраќај на патиштата – секој живот е важен.
Македонија
Променливо облачно со сончеви периоди, кон крајот на денот дожд и снег
Времето денеска ќе биде променливо облачно со сончеви периоди. Кон крајот на денот и во текот на ноќта во северозападните делови ќе има повремени врнежи од дожд, на планините од снег. Ќе дува слаб до умерен ветер од јужен правец. Минималната температура ќе биде во интервал од -9 до -2, а максималната ќе достигне од 3 до 9 степени.
Во Скопје, променливо облачно со сончеви периоди. Ќе дува слаб променлив ветер. Минималната температура ќе се спушти до -6, а максималната ќе достигне до 4 степени.
Времето во наредните денови
Во сабота ќе има локални врнежи, на планините и на повисоките места од снег, а во пониските од дожд и снег. Врнежите ќе бидат пообилни во западните делови, а висината на снежната покривка дополнително ќе се зголеми.
Во недела и понеделник ќе дува умерен до засилен северен ветер (над 60 km/h) и ќе има повремени локални врнежи од снег. Температурата ќе биде во опаѓање, а наместа дневната ќе остане под нула степени. Од вторник следува период на стабилно и суво време.

