Македонија
ДИК ќе им ги испрати уверенијата на пратениците од СДСМ по пошта
Државната изборна комисија, откако денеска кандидатите за пратеници од СДСМ и коалицијата кои добија мандат од граѓаните за пратеничко место во Собранието не се појавија во ДИК да ги подигнат своите уверенија, реши истите да им ги испрати на домашна адреса по пошта.
Ова во средата го изјави заменик – претседателот на ДИК, Субхи Јакупи на свеченото доделување на мандатите за пратеници во Државната изборна комисија.
СДСМ и здружената опозиција беше прва на распоредот од партиите кои требаа да подигнат уверенија, односно кандидатите кои добија поддршка за мандат во Собранието од нивните редови до 11 часот требаше да се појават во ДИК.
Претходно кандидатите за пратеници на Социјал демократскиот Сојуз потпишаа изјави на нотар со кои се изјаснија дека не ги прифаќаат мандатите, оти партијата не го признава ниту изборниот процес, ниту изборните резултати, бидејќи, според нив изборната трка се одвивала во крајно недемократска и нефер атмосфера.
Сепак, како што истакнаа од ДИК, во изминатиот период до нив не стигнало никакво барање за враќање на мандатите.
Во Државната изборна комисија не беа присутни ниту претседателот Никола Рилковски, ниту нивниот претставник во Комисијата, Виолета Дума.
Рилкоски и Дума телефонски известиле дека нема да присуствуваат на доделувањето на уверенијата, а минатата недела не се појавија ниту на доделувањето на уверението за избран шеф на државата за Ѓорге Иванов.
Во наредниот период ДИК ќе го информира Собранието дека мандатите се врачени, по што до крајот на неделата треба да биде закажана и конститутивна седница на новиот парламентарен состав./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.