На болните што користеле инсулинска терапија битолската болница незаконски им пресметувала маржа од 13 отсто, што е спротивно на Законот за здравствено осигурување, утврдил Државниот закон за ревизија во Медицинскиот центар „Д-р Трифун Пановски“ во Битола.

На болните што користеле инсулинска терапија битолската болница незаконски им пресметувала маржа од 13 отсто, што е спротивно на Законот за здравствено осигурување, утврдил Државниот закон за ревизија во Медицинскиот центар „Д-р Трифун Пановски“ во Битола.

Ревизорите констатирале големи неправилности во набавката на болнички лекови. Преку болничката аптека во центарот се правеле големи и незаконски резерви на лекови и на медицински материјали. Не бил склучен договор со Фондот за здравствено осигурување за видот, обемот и за квалитетот на здравствените услуги, како и за начинот на пресметување и плаќање на услугите. Наплата се вршела авансно, во износи за плата, а не во висина на вистински извршени здравствени услуги. Планот на трошоци и приходи за минатата година биле нереално прикажани. Набавката на лековите се вршела од страна на клиниките, а не преку болничката аптека, поради што ревизорите не можеле да ја утврдат веродостојноста на договорите за набавка. Болничката аптека нема податоци за реалните резерви на материјали на секоја од клиниките, ниту за испорачаните лекови до амбулантите. Од 1 јануари 2001 година до 30 јуни 2005 година биле исплатени 178.775 денари повеќе од реално извршените здравствени услуги. Малверзации се правеле и со парите и договорите за изведување градежни зафати во болницата, како и со вработувањата.

Ревизијата е направена за периодот кога во болницата директорувал д-р Дејан Ристевски, сегашниот в.д директор.

А. Г.