Македонија
Независниот полицикси синдикат најавува протест во понеделник
Независниот полициски синдикат најави протести за во понеделник пред платото на ССМ, поради одлуката на Уставниот суд 940 полицајци, кои по Нова година требаше да заминат во пензија, да останат без регулиран статус
„Од една страна ќе го демонстрираме револтот на членовите на независниот полициски синдикат од ваквата одлука, особено од времето и начинот на носењето на ваквата мерка, а од друга страна до Уставниот суд ќе биде предадена писмена документација за одбрана на спорните одредби на законот за внатрешни работи“, рече Тихомир Климоски, претседател на Независниот полициски синдикат.Тие побараа од Уставниот суд ако не го разреши барем да се огради од својот портпарол. “Портпаролот на Уставниот суд по нашата прес – конференција од позицијата која што ја врши си дозволи да се служи со политички квалификации на полициксите службеници. Ваквиот однос во најмала рака е недоличен и недопустлив“ рече Климоски. Портпаролот на Уставниот суд Југослав Миленковиќ на овој повик одговори дека е „државен службеник во Уставниот суд, вработен на неопределено време и не бил носител на јавна функција туку овластувањето ми било дадено од страна на претседателот на Уставниот суд“.Неуставноста на законот за внатрешни работи, тој ја гледа во нееднаквоста на полициските службеници од МВР. Миленковиќ смета дека со овој закон полициските службеници се во нееднаков однос со оние кои заминале во пензија до 1 јануари 2010 г. и оние кои ќе заминат во пензија од 1 јануари 2015 г. Овој закон според Миленковиќ важи за полициските службеници кои кои ќе исполнат 40 години работен стаж од 1 јануари 2010 години до 31 декември 2015 г. без разлика на годините.„Тие заминуваат во услови кои се поинакви. Граѓаните кои се во еднаква правна положба, не можат да имаат различни права и обврски“ појасни Миленковиќ. Законот за внатрешни работи беше донесен во јули минатата година и со него се предвидува пензионирање на полициските кадри кои ќе навршат 40 години стаж.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Да не влегуваме во замката на бугарската предизборна кампања
Потпретседателот Александар Николоски даде одговор на тезата на Борисов, јас немам што повеќе да додадам, кажа премиерот Христијан Мицкоски од Штип во одговор на новинарското прашање како го коментира барањето на Борисов за оставка на министерот Николоски.
„Ќе треба да си го гледаме нашиот интерес како држава, да не влегуваме во замката на нивната предизборна кампања и реториката која што е дел од предизборната кампања во Бугарија. Жалам што во отсуство на сериозна визија, проекти, стратегија и политики, главна тема во Бугарија сакаат да биде Македонија и македонското прашање, но тоа е нивен избор, не е наш избор“, рече Мицкоски.
Тој им посака успешна кампања и избор на стабилна влада.
„Конечно по седми пат да изберат стабилна политичка влада со која што ние како македонска влада ќе можеме да градиме вистински добрососедски односни и заеднички да чекориме кон патот на целосна интеграција на нашата земја во рамките на ЕУ. Тоа се очекува од добри соседи и затоа постои договор кој што е наречен добрососедски договор“, додаде премиерот.
Македонија
(Видео) Мицкоски за барањето на Ковачев ВМРО-ДПМНЕ да се исклучи од ЕНП: Тоа би била добра првоаприлска шега
Премиерот Христијан Мицкоски денеска од Штип го искоментира барањето на европратеникот од ГЕРБ, Андреј Ковачев да се исклучи партијата ВМРО-ДПМНЕ од Европската народна партија.
„Не е април. Тоа би била добра првоаприлска шега“, рече Мицкоски.
Европратеникот од ГЕРБ, Андреј Ковачев за БНТ изјави дека ја информирале „Европската народна партија за однесувањето на ВМРО-ДПМНЕ“ и ќе побараат да се иницира процедура за исклучување на таа партија од ЕНП.
Македонија
„Ревизија: Иднината е сега“ – меѓународна конференција за актуелните случувања и како подобро да се подготвиме за иднината
На 16 и 17 септември 2024 година во Струга се одржа уште една успешна Годишна меѓународна конференција под наслов „Ревизија: Иднината е сега“ (Audit: The Future is Now).
Конференцијата ја организираа Институтот на овластени ревизори на РСМ (ИОРРСМ) и Здружението на внатрешни ревизори на Република Северна Македонија (ЗВРРСМ), со поддршка од Институтот за внатрешни ревизори на Црна Гора. На настанот учествуваа реномирани предавачи, панелисти и гости од земјата и од странство кои произлегуваат од друштва за ревизии, банки, осигурителни компании, регулаторни тела, инвестициски и пензиски фондови, како и институти за внатрешна ревизија од регионот.
Поради големата заинтересираност, меѓународните учесници кои не можеа физички да присуствуваат го следеа настанот онлајн. Учесниците беа од различни земји: Црна Гора, Србија, Хрватска, Албанија, Косово, Латвија, Полска и Естонија.
Конференцијата беше отворена со поздравни говори од страна на претседателката на Здружението на внатрешни ревизори на РСМ, Билјана Секуловска, и претседателот на Институтот на овластени ревизори на РСМ, Ненад Тортевски.
„Ревизија: Иднината е сега“ откри нови хоризонти и перспективи за актуелните случувања и како подобро да се подготвиме за иднината. Опфатени беа различни теми, како:
• сигурносна безбедност и вештачката интелигенција,
• ревизијата на културата,
• дали етиката е благослов или проклетство,
• како да го препознаеме нашиот потенцијал и да се брендираме себеси,
• како да се справиме со новите генерации на работното место,
• стратегијата на внатрешната ревизија согласно глобалните нови стандарди,
• значењето на животното осигурување,
• алатки за подобрување на ефикасноста на ревизијата,
• корпоративното известување за одржливост,
• и ESG (Екологија, Социјална одговорност и Управување) како модел за одржливо и одговорно работење на компаниите, земајќи ги предвид краткорочните и долгорочните ефекти.
Според најавите од ЗВРРСМ и ИОРРСМ, на настанот присуствувале 250 учесници, меѓу кои претставници од Министерство за финансии и регулаторни тела.
Учесниците изјавија дека конференцијата била многу успешна, а програмата за двата дена била исклучително интересна, одржувајќи ја публиката ангажирана во текот на целиот настан.
Настанот беше подржан од следниве спонзори: Алкалоид, Жито Лукс, ASEE, PCES, Прва Живот АД Скопје, Стопанска Банка АД Скопје, Кожувчанка и Тиквеш.