Македонските пратеници со официјален документ да го отфрлат политичко – дипломатскиот ултиматум од ЕУ и нејзините амбасадори во Македонија за промена на уставното име до седми декември во замена за неизвесно членство во Унијата.

Македонските пратеници со официјален документ да го отфрлат политичко – дипломатскиот ултиматум од ЕУ и нејзините амбасадори во Македонија за промена на уставното име до седми декември во замена за неизвесно членство во Унијата.Ова се наведува во предлог декларацијата што денеска до Собранието го достави Народното движење за Македонија на Јанко Бачев. „Со едностраниот притисок што се врши само врз Македонија да се откаже од своето име во замена за обично ветување од ЕУ длабоко се навредуваат македонските граѓани и притоа Македонија се става во непримерна ситуација да биде посрамена, поразена и со уништено достоинство„ изјави Бачев. Во предлог декларацијата до македонското Собрание се посочува дека „никој нема право да обвини една држава и да го оспорува нејзиното национално име кое е суверено право на избор на секој народ“. Народното движење за Македонија денеска до парламентот достави и предлог заклучоци со кои Собранието би и наложило на владата привремен мораториум на масовните рамковни вработувања. Бачев посочи дека НДМ има поднесено кривична пријава до јавното обвинителство дека последниот попис според кој Албанците се 25 % од вкупното население бил фалсификат како и дека следната година ќе се одржи нов попис на граѓаните./крај/ег