Македонија
Малолетникот кој го ограби Љубе е осомничен и за убиството во ГУЦ
Малолетникот Д.Т. кој денеска беше приведен заради учество во грабежот на куќата на лидерот на Обединети за Македонија, Љубе Бошкоски е главниот осомничен за убиството на средношколецот Мухамед Јашари
Малолетникот Д.Т. кој денеска беше приведен заради учество во грабежот на куќата на лидерот на Обединети за Македонија, Љубе Бошкоски е главниот осомничен за убиството на средношколецот Мухамед Јашари, што се случи во април, велат извори од Министерството за внатрешни работи.
Од откриените отпечатоци во куќата, е утврдено дека на веќе осомниченото 17-годишно момче во кражбата му помогнал и еден 16-годишник.
Двајцата ноќта меѓу 21 и 22 август влегле во куќата на Бошкоски, при што украле повеќе часовници, накит, пенкала и други предмети, како и неговиот автомобил Ланчија, што подоцна беше пронајден од полицијата.
По утврдувањето на идентитетот на малолетникот, извршен е претрес во неговиот дом, каде се пронајдени машки рачни часовници од кои еден со посвета кој му припаѓал на Бошкоски.
Полицијата изврши разговор со момчето во присуство на неговиот татко. Истиот малолетник учествувал и во убиството на средношколецот Јашари.
Мухамед Али Јашари беше смртно претепан во обид да го спаси својот другар. Крвавата тепачка се случи во Средното градежно училиште „Здравко Цветковски“. Цел на нападот бил друг ученик во градежното училиште, кој претходно се расправал со напаѓачите за девојка.
Јашари сакајќи да му помогне на својот другар беше удрен со тврд предмет по глава од страна на напаѓачите кои веќе бегале. Шеснаесетгодишниот Д.Т беше приведен за убиство, а неговиот другар за насилство./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.