Свет
Површината на пожарите во Русија е намалена на половина

Вкупната површина на пожарите во централна Русија е намалена на половина во последните 24 часа, но се уште во земјата беснеат стотици пожари, соопшти министерството за вонредни ситуации.
Вкупната површина на пожарите во централна Русија е намалена на половина во последните 24 часа, но се уште во земјата беснеат стотици пожари, соопшти министерството за вонредни ситуации.
Во моментот во Русија горат пожари на површина од 92.700 хектари, јавуваат руските агенции. Се уште во земјата горат 612 пожари наспроти 557 пожари што гореа вчера, дополнува истиот извор.
Утрово во Москва врнеше слаб дожд и градот повеќе не е обвиен во задушлив чад. Метеоролозите сепак предупредија дека смирувањето на ситуацијата нема да потрае долго.
„Слабиот ветер го растера чадот од улиците на руската престолнина и температурите кои утрово се поподносливи, 20 степени Целзиусови, се очекува во текот на денешниот ден и до крајот на неделава да бидат три до пет степени пониски од температурите во последните денови“ соопшти директорот на метеоролошката служба Роман Вилфан.
Чадот кој заедно со горештината стана причина за двојно зголемување на смртноста во Москва, најверојатно повторно ќе се вратат.
„Шумските пожари не се изгаснати. Високиот атмосферски притисок и антициклонот ќе го вратат чадот во Москва“ дополни Вилфанд. Тој вели дека врнежите во последните денови нема да помогнат./крај/бг/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Нов аларм во Грац: само неколку часа по масакрот во училиштето, пристигнаа заканувачки повици

Во вторникот наутро, Грац беше шокиран од веста за масакрот во училиштето, каде што напаѓачот убил 10 лица, а потоа извршил самоубиство, а само неколку часа подоцна имаше нов аларм.
Како што пишува „Кронен“, само неколку часа по масовното убиство во училиштето, имитаторите го искористиле пукањето како изговор за да упатат закани.
Имено, друга гимназија во Грац добила заканувачки повик во вторникот вечерта, изјави Франц Руф, генерален директор за јавна безбедност.
Закана била испратена и до централната станица во Грац во вторникот попладне, пишува „Кронен“ и додава дека истрагите за овие закани се во тек.
Свет
Руски амбасадор: Обновувањето на односите меѓу САД и Русија го забавува „длабоката држава“ во Америка

Разговорот меѓу САД и Русија за решавање на прашањата во нивните билатерални односи ќе биде преместен од Истанбул во Москва, изјави денес за ТАСС новиот руски амбасадор во Вашингтон.
„Сè уште има долг пат за обновување на руско-американските односи“, рече амбасадорот Александар Дарчиев.
Според него, зближувањето со Москва го забавуваат таканаречената „длабока држава“ во САД и антируските „јастреби“ во Конгресот.
„Можам да потврдам дека во блиска иднина во Москва ќе се одржат нови разговори на делегации“, рече Дарчиев.
Војната во Украина предизвика најголеми тензии во односите меѓу Москва и Западот од Студената војна. Искусни дипломати од Москва и Вашингтон изјавија за Ројтерс во 2024 година дека не можат да се сетат дека односите некогаш биле полоши.
Администрацијата на претседателот Доналд Трамп го смета украинскиот конфликт за посредничка „proxy“ војна меѓу САД и Русија. Трамп постојано предупредуваше на ризикот од ескалација на конфликтот во светска војна.
Свет
ЕУ го додаде Монако на листата на земји со висок ризик за перење пари

Европската комисија денес објави дека го додаде Монако на листата на земји со „висок ризик“ во однос на перењето пари, како и дека ги отстрани Обединетите Арапски Емирати од листата.
Европската комисија се согласи со „сивата листа“ на Работната група за финансиски дејствија (FATF), меѓународно тело задолжено за евалуација на активностите на земјите во борбата против перењето пари.
Монако е на нивната листа од 2024 година.