Работите во врска со проектот „Скопје – 2014“ треба да се гледаат пошироко историски, современо итн, бидејќи секогаш кога се прават вакви големи зафати, доаѓа до една ваква колизија.

Работите во врска со проектот „Скопје – 2014“ треба да се гледаат пошироко историски, современо итн, бидејќи секогаш кога се прават вакви големи зафати, доаѓа до една ваква колизија.Ова е заеднички став на дискутантите на трибината одржана денеска за поддршка на проектот „Скопје – 2014“, организиран од страна на Институтот „Павел Шатев“.„На истиот тој простор, уште во старо Скопје постоеле многу објекти како: Црковниот Музеј на Скопје, Скопската Митрополија градена во барок стил, Судот, Трговската Комора и Инспекторат, тука се наоѓало славното француско училиште, грчкото училиште и Француско-српската банка. Целиот тој простор е преполн со објекти кои според истражувањата имаат елементи на барок, класицизам и нео класицизам,“ рече Данило Коцевски.

Според архитектот Вангел Божиновски, во традицијата на македонската архитектура лежи длабоко вкоренет барокот.„Плоштадот во барокен израз пред најголемата католичка катедрала Свети Петар во Рим,  е копија на плоштадот во Џараш изграден од македонски архитекти при походот на Александар трети Македонски. Куполите на Свети Иво дела Сапиензи во Рим, се всушност копија на архитектурата што ја остава македонизмот кој во европската култура е познат како хеленизам. Кога говориме дали македонската култура, уметност и историја има барок, треба да се каже дека во суштина македонската архитектура го оформила барокот. Сепак, овие проекти кои ги видовме во визуелизацијата се производ на едно ново време и тие се последица на една генерална политика на Меѓународната унија на архитекти и Светската академија за архитектура,“ подвлече Божиновски.Васко Шутаров оцени дека нема ништо поубаво од обликувањето на просторот. Според него, убаво е да постои дискусија и комуникација, но мора да има ниво на конструктивност заради тоа што градењето само по себе претставува конструкција. „Ако дијалогот претставува само отпор или само „не“, без концепција, без алтернатива, без подруга визија, што добиваме ние? Тогаш имаме еден невешт дијалог,“додаде тој.На трибината беа присутни Јован Стефановски, Васко Шутаров, Данило Коцевски, Бранислав Саркањац, Вангел Божиновски, Сашо Гигов и Зоран Петров. /крај/ко.