Македонија
Адеми: Климатските промени бараат нови пристапи и технологии
Денеска на Универзитетот на Југоисточна Европа во Тетово, министерот за животна средина и просторно планирање, Абдилаќим Адеми, амбасадорот на Италија во Скопје, Фабио Кристијани и Ректорот на Универзитетот на Југоисточна Европа -ЈИЕ, Замир Дика
Денеска на Универзитетот на Југоисточна Европа во Тетово, министерот за животна средина и просторно планирање, Абдилаќим Адеми, амбасадорот на Италија во Скопје, Фабио Кристијани и Ректорот на Универзитетот на Југоисточна Европа -ЈИЕ, Замир Дика, ја отворија работилницата „Иновација и законска регулатива за одржлив развој“.Работилницата се одвива во рамките на соработката меѓу Министерството за животна средина и просторно планирање на Македонија и Министерството за животна средина, територија и море на Италија.Министерот Адеми на отварањето го изрази задоволството од обемот на билатералната соработка која повеќе години наназад се негува со италијанското министерство за животна средина, територија и море. Соработката започна во 2005 г., со потпишувањето на Меморандумот за разбирање за соработка во областа на животната средина и одржливиот развој, кон кој следуваа пет Анекси кои го прецизираа обемот и видот на соработката. Иако првично замислена како поддршка за искоритување на потенцијалот на нашата држава за учество во еден од флексибилните механизми според Протоколот од Кјото (механизмот за чист развој), со текот на времето соработката се зголемуваше согласно взаемно прифатливите и усогласени приоритети.Адеми истакна дека климатските промени бараат еколошки иновативни пристапи и технологии. Еко-иновациите ќе станат клучни за економскиот пораст, конкурентноста и вработувањето. Клучот за креирање на нови работни места, економски пораст и добробитта на населението е во ефикасните еколошки иновации што бара високи стандарди за заштита на животната средина, комбинирано со широк опсег на други економски инструменти-намалување на данокот на додадена вредност за енергетски ефикасни добра и сервиси, зелени јавни набавки итн. Ја поздравуваме одлуката и иницијативата на ректоратот на универзитетот на ЈИЕ за спроведување на еден ваков проект. Министерот Адеми, исто така, истакна дека овој проект го гледаме како дел од пошироките активности кои релевантните министерства на Македонија и Италија ги спроведуваат во овој регион и на пошироката територија на државата со цел намалување на климатските промени. Во таа насока, сакам да ја изразам благодарноста за поддршката која италијанската влада , преку ресорното министерство за животна средина, теиторија и море, ја дава за остварување на овие наши заложби. „Очекувам таа соработка да продолжи и во иднина за натамошно имплементирање на нашите национални мерки за намалување на емисиите на стакленичките гасови во атмосферата, кои веќе ги усвоивме со усвојувањето на Вториот национален план за климатски промени и ги рапортиравме до Секретаријатот на Конвенцијата на ОН за климатски промени како дел од нашето пристапување кон Договорот од Копенхаген“, рече Адеми/крај/со/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Нема да се наплаќа паркирањето во Центар за време на Велигденските празници, извести ПОЦ
Паркирањето во oпштина Центар за време на Велигденските празници ќе биде без наплата за сите граѓани. На 03.05.(петок), 05.05. (недела) и 06.05.2024 година (понеделник) граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар, извести ПОЦ.
Согласно програмата за неработни денови за 2024 година на Министерството за труд и социјална политика, 04.05.2024 година (сабота) е работен ден и следствено на тоа паркиралиштата со кои стопанисува ЈП ПОЦ ќе работат со вообичаено работно време.
Депото на „Пајак“ службата на ЈП ПОЦ ќе работи 24/7 за време на празниците.
Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 07.05.2024 година (вторник) со вообичаено работно време, се додава во соопштението на ПОЦ.
Македонија
Крмов: Донесување посебен закон и финансирање државни центри за лица со попреченост
Денес во Штип, пратеникот од Левица и носител на листа од ИЕ3, Борислав Крмов, оствари средби со претставници и членови на неколку здруженија на лица со попреченост.
„Целта е да ја претставиме програмата на Левица за претстојните Парламентарни избори, 2024. Нашата Програма и од меѓународниот фактор е оценета како најинклузивна социјална програма. Бидејќи зборуваме поопширно за лицата со попреченост, ние имаме во Програмата: донесување на посебен закон; финансирање на државни центри за лицата со попреченост; зголемување на фондот на техничари, на луѓе коишто помагаат во домовите; пристапни рампи секаде – сè во интерес на подобрување на нивниот квалитет на живот“, истакна пратеникот Крмов.
Претставниците на здруженијата ја поздравија Програмата на Левица.
„Мило ми е што се среќавам со пратеникот Крмов и со членови на Партијата Левица. Се надевам дека ќе оствариме добра соработка во иднина и верувам дека сите наши идеи, планови, размислувања, предлози, ќе бидат преточени во закон во Парламентот, со поддршка на пратениците од Левица“, истакна на денешната средба, претседателот на Здружението на слепи лица, Драги Витанов.
Во текот на денешниот ден, пратеникот Крмов оствари средба и со претседателот на Здружението „Сплотени срца“, Зоран Мијалков.
Македонија
Бојмацалиев: Одделенијата за внатрешни работи Неготино и Кавадарци подготвени за изборите на 8 мај
Дополнителниот заменик министер за внатрешни работи Митко Бојмацалиев заедно со директорот на БЈБ, Сашо Тасевски, беа во работна посета на подрачјето на Секторот за внатрешни работи Велес каде што остварија работни средби со раководствата на Одделенијата за внатрешни работи во Неготино и во Кавадарци во рамки на серијата посети во сите сектори ширум земјава.
„Од страна на раководството на овие организациони единици бев брифиран за постигнатите резултати изминативе три месеци од оваа година ја оценивме безбедносната состојба поволна”, рече Бојмацалиев. Притоа, тој истакна дека колегите се подготвени за Претседателските и Парламентарните избори 2024, во насока на професионално извршување на своите надлежности.
„Дозволете да им честитам на колегите од СВР Велес за одличната организација и координираност во врска со првиот круг од Претседателските избори 2024 година со уверување дека и во вториот круг од Претседателските и парламентарните избори што ќе се одржи на 8 мај во среда ќе продолжат со професионално извршување на полициските работни ангажмани со цел гарантирање на демократски Изборен процес. Уште еднаш македонската полиција да покаже и докаже на дело дека е тука за граѓаните слободно да го искажат својот глас, без притисоци и уцени од било кого. Во одредени Сектори според сознанијата на Оперативниот штаб на МВР ќе биде направена реорганизација со зголемено присуство на полицијата на тие места на денот на изборите”, истакна Бојмацалиев.
Притоа, тој апелираше граѓаните доколку имаат било какви закани за нарушување на изборниот процес да пријават.
Во оваа прилика, Бојмацалиев истакна дека финансиите за бонус плата се обезбедени и ќе бидат исплатени по завршување на техничката Влада, во износ од 36000 денари. Воедно, Бојмацалиев потенцираше дека секоја година со покачување на минималната плата, се покачуваше и платата во полицијата, годинава не е покачена заради распишаните избори, но во кординациија со Македонскиот полициски синдикат, потпишани се сите документи, кога има законска можност платата на вработените во полиција ќе се покачи за 10%, односно со тоа покачување, и покачувањата од периодот 2017 до 2023 од 35%, вкупно покачувањето ќе биде 45%.