Македонија
Алкохолизиран ресенчанец оштетил четири паркирани возила во Битола
Пијан ресенчанец утрово околу 04:45 часот со своето возило оштетил четири паркирани возила на улицата „Иван Милутиновиќ“ во Битола.
Пијан ресенчанец утрово околу 04:45 часот со своето возило оштетил четири паркирани возила на улицата „Иван Милутиновиќ“ во Битола.
„Станува збор за патничко моторно возило марка ‘БМВ’ со охридски регистарски таблички, сопстевност ан лице од Ресен, а управувано од 31 годишен ресенчанец со иницијали А.М. и четири патнички моторни возила и тоа ‘опел вектра’, ‘ситроен ЗХ’ и ‘југо корал’ сите со битолски регистарски ознаки и сопственост на лица од Битола.“- изјави Ѓоко Стрезовски портпарол на СВР Битола, јавува Тера.
Сопстевниците на оштетените возилата затекнати од состојбата.
„Станав за на работа во седум часот утринава и гледам од прозорец удерно југо слегвам долу и мојата кола удрена“, вели сосптвеник на едно од возилата
„Ова ни ‘Југосуровина’ за во Топилница нема да го земе“, вели сопственикот на „југото“.
Според полицијата до незгодата дошло најверојтно од неприлагодена брзина на условите на патот на возилото марка БМВ кое се движело по улицата Иван Милутиновиќ во првенц кон центарот на градот.
„Излетало в десно надвор од коловозната лента по кое се движело и удрило во четирите паркирани возила од десната страна во правецот на движење на возилото“, објаснува Стрезовски.
Според жителите на оваа улица, често се случувале незгоди заради брзо возење
„Многу брзо се вози треба полицијата да си превземе побезбедносни мерки.“
„Многу брзо и под дејство на алкохол. Често е вака на оваа улица многу брзо се вози“, велат жители на улицата Иван Милутиновиќ.
Увид на местото изврши битолската полиција, врз лицето кое го управувало „БМВ“-то е направен алкотест, а возилото е обезбедено за вештачење. /крај/тера/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Уапсен врховен судија поради сомненија за примање поткуп
Врховниот судија Наке Георгиев е уапсен поради сомнеж за примање поткуп.
„Денеска 20 мај, лишен од слобода е судија од Врховниот суд поради сомневања за сторено кривично дело Примање награда за противзаконито влијание. Судијата е лишен од слобода на лице место при извршување на кривичното дело. Се чекаат натамошни насоки од надлежен јавен обвинител“, велат од МВР.
Засега не е позната локацијата каде што е приведен судијата, ниту пак, за колкава сума станува збор.
Македонија
Сиљановска доби честитка од кралот Чарлс
Претседателката Гордана Сиљановска Давкова денеска го прими амбасадорот на Обединетото Кралство на Велика Британија и Северна Ирска, Метју Лосон.
На средбата беа разменети мислења за севкупните билатерални односи меѓу двете држави, при што претседателката Сиљановска Давкова истакна дека нашата држава придава особено значење на развојот на пријателските односи и соработката со Обединетото Кралство, вклучувајќи го сојузништвото во НАТО алијансата. Претседателката Сиљановска Давкова посочи на нејзината подготвеност за натамошно унапредување на билатералната соработка со Обединетото Кралство во сите сфери од заемен интерес.
Претседателката Сиљановска Давкова истакна дека како држава особено ја цениме британската поддршка во исполнувањето на стратешката цел – членство во Европската Унија, која продолжи и по Брегзит.
Амбасадорот Лосон на претседателката Сиљановска Давкова и предаде честитка од Кралот Чарлс Трети по повод нејзиното стапување на функцијата, во која упатува најискрени честитки за нејзиниот избор.
„Уверен сум дека ќе го вложите целиот Ваш капацитет за време на Вашиот мандат како Претседател за справување со големите предизвици на нашето време, почнувајќи од справувањето со климатските промени до продлабочувањето на евроатлантската интеграција на Северна Македонија. Многу сум задоволен што нашите две земји имаат воспоставено цврсти трговски и безбедносни односи. Оттука, се надевам дека за време на Вашиот мандат како Претседател односите, кои се веќе толку блиски, уште повеќе ќе се продлабочат“, се вели во честитката од Кралот Чарлс Трети.
Македонија
Сиљановска Давкова се сретна со украинската амбасадорка Дир
Претседателката Гордана Сиљановска Давкова денеска ја прими амбасадорката на Украина, Лариса Дир.
На средбата, беше изразено задоволство од традиционалните пријателски односи, засновани на заемна почит и меѓусебно разбирање. Претседателката Сиљановска Давкова ја нагласи нејзината заложба за продлабочување на соработката во сите области од заеднички интерес, реафирмирајќи ја поддршката за Украина против руската агресија, со која се поткопува европската глобална безбедност и стабилност.
Двете соговорнички разменија мислења и за стратешките определби и перспективите на двете земји, истакнувајќи ја потребата од натамошна заемна помош, споделување искуства и експертиза. Претседателката Сиљановска Давкова ја нагласи македонската поддршка за Украина на нејзиниот пат кон Европската Унија и НАТО.
Амбасадорката Дир, упатувајќи честитки за изборот на претседателката Сиљановска Давкова ѝ посака успешно извршување на функцијата.