Свет
Почна протестниот митинг во Москва – контрадикторни бројки за масовноста
Околу 30.000 демонстранти се собраа денеска во центарот на Москва, на нов протест против фалсификувањето на изборните резултати под мотото „За чесни избори“.
Околу 30.000 демонстранти се собраа денеска во центарот на Москва, на нов протест против фалсификувањето на изборните резултати под мотото „За чесни избори“.
Агенцијата Франс прес, пренесувајќи информации од полицијата, пишува дека на протестот има околу 28.000 луѓе, додека нивните новинари проценуваат од лице место дека има околу 40.000 демонстранти.
Агенцијата АП спомнува присуство на „десетици илјади“, додека преку социјалните мрежи се најавени меѓу 50.000 и 80.000 луѓе.
Опозицијата тврди дека на митингот има 120.000 луѓе, но најавува дека протестите ќе продолжат и дека следен митинг ќе се одржи во февруари.
Демонстрантите носат пароли преку кои се осудува изборната измама.
Писателот Борис Акуњин беше еден од првите говорници на денешниот митинг. Тој го критикуваше Владимир Путин, сегашниот премиер и претседателски кандидат за изборите во март 2012 година, кој минатата недела на една емисија ја спореди опозицијата со мајмуни.
„Оној што ќе биде избран за претседател ни одговори со навреди. Дали сакате Путин да биде наш нов претседател“, рече Акуњин.
Поранешниот руски министер за финансии Алексеј Кудрин побара одржување на нови избори, пренесува агенцијата Интерфакс.
Тој рече дека претходните избори се одбележани со измами во прилог на партијата на Владимир Путин.Кудрин рече дека и Путин и претседателот Дмитриј Медведев се одговорни за незадоволството на народот кој се мобилизираше против лажирањето на изборите.
„Секако одговорни се владејачката партија Единствена Русија, Путин и Медведев“, рече Кудрин. Тој додаде дека Путин знае за неговиот став, но дека не му кажал дека ќе учествува на протестот.
На митингот се очекува да говорат и Михаил Горбачов, претседателскиот кандидат и милијардер Михаил Прохоров, поранешниот шаховски првак Гари Каспаров и други
Митинзите под името „За чесни избори“ најавени се денеска и утре во околу 100 руски градови и дваесетина градови во Америка и Европа. /крај/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп казнет со 9.000 долари
Помалку од седум месеци пред претседателските избори во ноември, на републиканскиот кандидат Доналд Трамп му се суди затоа што се обидел да го купи молкот на поранешната порно ѕвезда Сторми Даниелс неколку дена по изборите во 2016 година на кои ја победи демократската кандидатка Хилари Клинтон.
Судијата Хуан Мерчан рече дека Трамп е казнет со 9.000 долари поради кршење на забраната за коментирање на сведоци. Обвинителите го обвинија поранешниот претседател дека повеќе пати ја прекршил забраната за коментирање и побараа од судијата да го казни со 1.000 долари по прекршок, пишува Гардијан.
Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Пред судењето, судијата Мерчан ја прошири оваа забрана за коментирање на членовите на семејството откако Трамп напиша објава за ќерката на Мерчан.
Трамп мора да отстрани седум навредливи објави од социјалната мрежа „Truth Social“ и две објави од неговата веб-страница на кампањата до 14:15 часот. „Го предупредуваме обвинетиот дека судот нема да толерира натамошно кршење на правните наредби и дека доколку е потребно и соодветно со оглед на околностите ќе биде осуден на затворска казна“, се вели во судската пресуда.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.