Македонија
“Партизанска дипломатија”
Предлогот на Нимиц, за кој се шпекулираше дека е последен, беше уште еден “сет идеи”, околу кој владите во Атина и Скопје ќе треба да се произнесат. Тоа покажа дека не постои т.н. “партизанска дипломатија”, односно дека Советот за безбедност не сака да наметнува решенија во билатерални спорови
Во последната недела во македонската јавност се создаде атмосфера дека медијаторот на ОН за спорот околу името Македонија, Метју Нимиц, ќе изготви готов предлог во стилот “земи или остави”, со кој двете страни во процесот ќе ги стави пред свршен чин. Во таков амбиент, непосредно пред средбата на Нимиц во Њујорк со амбасадорите Василакис и Димитров, во Скопје беше одржана лидерска средба на која политичките партии во Македонија уште еднаш покажаа дека немаат капацитет да постигнат политички консензус околу стратегијата за решавање на едно клучно прашање од национален интерес. Предлогот на Нимиц, за кој интензивно се шпекулираше дека ќе биде последен, беше уште еден нов “сет идеи” – како што тој ги нарече – околу кој владите во Атина и Скопје ќе треба да се произнесат. Тоа уште еднаш покажа дека не постои т.н. “партизанска дипломатија” во светот, односно дека Советот за безбедност на ОН не сака да наметнува решенија на членките на ОН во билатерални спорови, туку дека ОН и натаму, како и во изминативе 15-ина години, ќе бараат заеднички прифатливо решение од двете страни врз кое двете соседни земји ќе можат да продолжат да живеат заедно во иднина. ПРЕДЛОГОТ НА НИМИЦ Бидејќи станува збор за еден од десетиците предлози на Метју Нимиц, веројатно е дека Македонија и Грција ќе се однесуваат кон овие предлози како и досега – односно дека она што им одговара во предлогот ќе го прифатат и поздрават, а оние аспекти што повеќе ì одговараат на другата страна, ќе ги отфрлат. И досега двете влади се однесуваа кон “пакетите” на Нимиц како муштерии во самопослуга кои од пакетот ги одбираат само “артиклите” што им одговараат. Од друга страна, не постои човек на планетава кој може да понуди таков сет идеи кои истовремено ќе им одговараат и на Македонија и на Грција. За да биде изнајдено решение, двете страни ќе мора да прават компромиси и да прифатат нешта кои не им одговараат, односно јасно е дека решението треба да се бара во позициите на Скопје и на Атина и во нивно приближување, а не во некаква магична формула на Метју Нимиц. Во спротивно, овој процес ќе се влечка бесконечно долго, без да има перспектива да биде затворен, а во зависност од актуелната позиција на меѓународната сцена, де Грците, де ние, ќе сметаме дека во некој друг период ќе може да извлечеме подобар компромис. Овој сет идеи што го нуди Нимиц е повеќе или помалку рефлексија на актуелните политички ставови на Македонија и Грција и како тие гледаат на клучот за решението на спорот. Од една страна, компромисното име што е предложено содржи географска одредница – најверојатно Северна Македонија – и во таа смисла повеќе ги респектира позициите на Атина, а од друга страна не задира во македонскиот национален идентитет, за што Македонија порача дека и е светост, за што нацијата и државата не се подготвени да се ценкаат, ниту, пак, некој може да има таков мандат. Клучот, пак, на преговорите, веројатно е опсегот каде сè ќе важи евентуалното договорено име, околу што двете страни имаат дијаметрално спротивставени гледишта. Грција бара тоа да биде едно име, кое ќе важи секаде и секогаш; Македонија, пак, сака тоа име да важи единствено во билатералната комуникација со Грција. МАКЕДОНСКАТА ПОЗИЦИЈА Она што е најважно во овој момент за Македонија е дека мора да постигне консензус меѓу власта и опозицијата околу идната стратегија за надминување на овој проблем. Нема збор дека и едните и другите сакаат да постигнат што поповолно решение за Македонија, но имаат различен пристап кон стратегијата што треба да се употреби во овој миг. Претседателот Црвенковски и опозициските партии сметаат дека по ветото во Букурешт, Македонија мора да ја промени досегашната стратегија базирана врз двојната формула, зашто политичките констелации се променети и Македонија веќе не е таа на која не ì се брза да се изнајде решение. Истовремено, механизмот на одлучување во НАТО покажа дека меѓународните сојузи во кои имаме амбиции да станеме членки – НАТО и ЕУ – функционираат врз принципот на консензус, односно дека е безмалку невозможно грчкиот став да биде изолиран и да станеме земји-членки на овие сојузи наспроти волјата на Грција. Ова во вторникот во Охрид ни го порача и американскиот секретар за одбрана Роберт Гејтс, кој нагласи дека САД се разочарани што Македонија не стана членка на НАТО, но оти не постои друг начин за наше членство во НАТО, освен договор со Грција, бидејќи Алијансата функционира врз принципот на консензуално одлучување. ВМРО-ДПМНЕ и нејзините помали коалициски партнери сметаат дека Македонија не треба да ја промени стратегијата и да се откаже од двојната формула и убедени се дека по ветото во Букурешт, Македонија не смее да манифестира слабост во преговорите со Грција. Со други зборови, за нив е поважно да се зачува националното достоинство, па макар и по цена на забавен прием на Македонија во НАТО и ЕУ. Обете позиции имаат своја логика и издржана аргументација. Она што е важно за државата е овие две концепции целосно да се усогласат и Македонија да настапува во преговорите со цврст консензус околу стратегијата. Ако продолжат преговорите во атмосфера на целосна недоверба, па и отворена кавга меѓу претседателот и премиерот, со двајца преговарачи во Њујорк , едниот што ги застапува ставовите на Владата, а другиот на Кабинетот на претседателот, тоа ќе биде отворена манифестација на слабост и национално неединство. Ова, без сомнение, Грција ќе го искористи до максимални граници, зашто во дипломатските битки умешноста е да се искористат слабите страни на противникот и тие да се ефектуираат во сопствена полза. Јасно е дека клучот не е во пакетите што ги нуди Нимиц, зашто никој не може да нè принуди да прифатиме нешто што сметаме дека е недостоинствено. Треба да изградиме заедничка позиција на државниот, политичкиот и партискиот врв, таа да се изгради полека и без голема врева, а во никој случај “партизански” пред следниот “последен, финален и клучен” предлог на Нимиц , и со јасни ставови да се обидеме да извлечеме компромис кој сметаме дека е поволен и достоинствен. Во спротивно, оваа тема од клучен интерес ќе продолжи да биде полигон за партиска пресметка и политички маркетинг, каде што ќе почнат да се бараат предавници и вештерки, а ќарот од таа ситуација ќе го има Грција, каде што политичката елита постигна апсолутен консензус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Циривири: ЗНАМ со реформите во здравството ќе овозможи граѓаните да добијат подобри третмани, во современи регионални центри, со реални цени на услугите
Движењето ЗНАМ – За наша Македонија денеска одржа прес конференција на
која професор доктор Јасмин Циривири ги претстави клучните прашања од
областа на здравството во изборната програма „Проглас за достоинствена
Македонија“ на Движењето, за претстојните парламентарни избори.
Професор Циривири рече дека Движењето ЗНАМ – За наша Македонија нуди
конкретни мерки за идните реформи во областа на здравството, а тие во
основа подразбираат максимално и професионално залагање од страна на
секој чинител во здравствената сфера. Целта е, како што рече, тој
пристоен и достоинствен живот на секој граѓанин во државата, со еднаков
пристап до потребните услуги. Циривири додаде дека ЗНАМ сака да покаже
дека може да се создадат услови граѓаните да бидат здрави,
работоспособни и да придонесуваат за општата благосостојба. Тој посочи
дека за да се направи тоа е потребно:
„Реконструкција на постојните и доизградба на започнатите медицински
установи на територијата на Македонија, со акцент на формирање на три
здравствени центри во Штип, Битола и Тетово, по примерот на ГОБ „8ми
Септември“. Тоа е од стратешко значење, бидејќи ќе овозможи брз пристап
и услуги на граѓаните, како и подигање на нивото на третманите со
софистицирани дијагностички методи“.
Истовремено, како што рече тој, граѓаните нема да бидат изложени на
дополнителни материјални трошоци и стресови при добивањето на
здравствените услуги, кои им следуваат по сите морални и здравствени
норми во едно современо општество. Циривири додаде дека при тоа ќе се
направи итно пополнување на дефицитарниот специјалистички кадар во овие
установи со упатување на млади лекари на специјализација, вклучувајќи ги
и приватните специјализанти. Исто така ќе се направи и привремено
дополнување на медицинскиот кадар по принципот на ротација во
регионалните центри со кадар од болниците во главниот град, до моментот
на оспособување на доктори од дефицитарните специјалности во истите.
„Очекуваме, рече доктор Циривири, – Со ова да се намалат листите на
чекање за софистицирани дијагностички процедури и особено елективните
оперативни третмани“.
Како втора мерка се предвидува формирање на реални цени на здравствените
услуги од страна на Фондот за здравствено осигурување со цел исплата
според извршените услуги кон здравствените установи, со што ќе се
овозможи самоодржливост на истите.
„Структурата на реалните цени подразбира режиски трошоци, дневниците на
персоналот неопходен за оптимално функционирање на основна единица – на
ниво на одделение, потрошниот санитетски материјал, како и
амортизацијата за одржување на непотрошниот санитетски материјал. Со
овој систем се зголемува мотивираноста на установите да ја зголемат
ефикасноста и постојано да го подобруваат квалитетот во пружањето на
здравствена нега. Овој принцип на економско делување овозможува
непосреден увид во финансиската состојба на установата и активно
учествуво во планирањето и трошењето на потрошниот и непотрошниот
медицински материјал и опрема, како и во одржувањето на болничките
капацитети“, рече Циривири.
Формирањето на диспечерски податаочен центар во Министерството за
здравство, е третата мерка што се предвидува.
„Со неа ќе се овоможи постојан увид во исполнетоста на капацитетите на
сите здравствени установи во државата.Оваа централизација на
логистичките податоци овозможува навремен транспорт и прием на итните
пациенти, за да се надмине беспотребното лутање на болничките возила по
здравствените установи без точна информација за слободно место за прием
на итните пациенти. Овој центар, исто така, ќе има клучна улога особено
при згрижувањето на пациентите при масовни незгоди,
железнички,автобуски, какон и поплави, земјотреси итн“, нагласи доктор
Циривири.
Една од мерките за подоборување на состојбите во здравството е и
креирањето на реални, конкурентни плати во сите сектори и нивоа на
здравството.
„Во ставките за плати, додатоци и надоместоци на плати во Буџетот, ќе се
зголеми масата на средства за најмалку 15 проценти, и на тој начин ќе се
обезбеди соодветно зголемување, како на докторските, така и на платите
на медицинските сестри и помошниот персонал. Порастот на платите ќе се
усогласува со порастот на минималната плата“, рече доктор Циривири.
Тој нагласи дека медицинскиот персонал ќе биде во процес на континуирана
медицинска едукација во соработка со здравствени установи кои се
движечки центри во развојот на современата медицина, а Министерството за
здравство ќе го координира развојот, овозможувајќи доостручување, по
предлог на непосредните носители на стручната дејност, во согласност со
потребите на установите.
Македонија
Левица: Бранителите и нивните семејства се заборавени, а терористите на УЧК се амнестирани и во институциите
Левица во Битола оддаде почит на загинатите бранители во Вејце.
„На денешен ден пред 23 години се случи најкрвав и најбрутален масакр во поновата историја на Македонија. Од заседа масакрирани, а потоа живи запалени и ѕверски биле убиени осуммина специјалци и полицајци припадници на специјалните единици „Волци“ и на „Посебната единица на СВР Битола“. Во нивна чест, денес во Битола беше посетен Споменикот на Бранителите, од Генералниот секретар и Носител во ИЕ5 Јована Мојсоска, Советникот Горан Велевски и Секретарот на ЛО Битола Бранислава Стојановиќ. Положено беше свежо цвеќе и беше оддадена почит на загинатите“, велат од Левица.
Членови на ЛО Битола го посетија и родното место на загинатиот бранител Илче Стојановски, Породин. Положија свежо цвеќе на спомен обележјето на загинатите од Вејце и присуствуваа на настанот оджржан во чест на Бранителот Илче Стојановски.
„И после 23 години, бранителите и нивните семејства се заборавени, а терористите на УЧК се амнестирани и во институциите. Воени злосторства не застаруваат и правда за македонските херои кои го положија животот за Македонија мора да има“, пишуваат од партијата.
Македонија
(Видео) Лукаревска: СДСМ е одговорна партија, ние не манипулираме
“Прогресивните граѓани знаат дека со СДСМ има слобода, има демократија и сигурна иднина, и токму тие граѓани се и наши најдобронамерни критичари, затоа што се демократи и затоа што имаат изградено граѓанска свест, за да биде подобро. Но во суштина тоа сме НИЕ, истите тие, што ја сакаме државата слободна, демократска, отворена, модерна, развиена. Исти вредности споделуваме, тие вредности секогаш не обединувале, и кога било најтешко и кога е најважно. Да не го потцениме моментот, сега е најважно. Важно е на 8 мај да покажеме дека сме обединети и дека заедно и подобро ќе продолжиме да работиме”, рече Сања Лукаревска, носителка во третата изборна единица.
СДСМ е одговорна партија. Ние не манипулираме, не продаваме бесперспективни илузии кои ја разградуваат државата од внатре, и и ја ослабуваат позицијата надвор. Тоа нема да го дозволиме и затоа ја бараме вашата поддршка на 8 мај, рече Лукаревска.
“Да не дозволиме она што го изградивме заедно, да се урне за само еден ден, да се вратиме назад – на поделбите на наши и ваши, на привилегирани и на казнети, на поттикнати внатрешни конфликти, а всушност сите изманипулирани, зашто тој концепт не нуди иднина. Се е јасно, се е веќе видено и чуено и тоа ни дава уште поголема верба дека сме на исправниот пат. И затоа не се откажуваме, веруваме во социјалдемократските вредности, веруваме во погресивните граѓани и веруваме дека на 8 мај можеме да продолжиме заедно”.