Македонија
ТВ Пинк 15 тврди дека започнала исплатата на вработените
Исплатата на заостанатиот личен доход на вработените во ТВ Пинк 15 започна од минатата недела и, како што е најавено, ќе продолжи во наредниот период.
Исплатата на заостанатиот личен доход на вработените во ТВ Пинк 15 започна од минатата недела и, како што е најавено, ќе продолжи во наредниот период.Ова се наведува во писмената реакција на ТВ Пинк 15, по информациите дека осуммина новинари денеска поднесоа тужби против телевизијата поради неисплатени плати и придонеси за три месеци. „Пинк 15 во Македонија ќе продолжи да функционира во текот на летото, а од септември ќе се почне со нова програмска шема, која ќе биде пријатно изненадување за сите гледачи во Македонија“, стои во соопштението.Притоа се истакнува дека тужбата ја поднеле само осуммина од вкупно 60 вработени, а се наведува дека досега никој не добил отказ, туку дека на дел од новинарите не им бил продолжен договорот, заради непрофесионалност и отсуство од работа.Од ТВ Пинк 15 признаваат дека дошло до одреден застој во исплатата на личните доходи и нареализација на планираните проекти, што се оправдува со нарушеното здравје на сопственикот на компанијата. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице пријавено за изгубено на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.