Свет
Втор круг парламентарни избори во Унгарија
Вториот круг парламентарни избори на кои ќе се одлучува за уште 121 пратеничко место во парламентот на Унгарија, се одржува денеска.
Вториот круг парламентарни избори на кои ќе се одлучува за уште 121 пратеничко место во парламентот на Унгарија, се одржува денеска.
Во првиот круг убедливо водеше конзервативната антикомунистичка партија Фидез ( Fidesz)која веќе освои 206 места во парламентот.
Конзервативниот Фидез во првиот изборен круг на 11-ти април, во коалиција со мала, не толку позната демократска партија освои 206 од вкупно 386 пратенички места во унгарскиот парламент.
Лидерот на Фидез, Виктор Орбан ќе ја состави новата влада, а социјалистите кои ја имаа власта во свои раце осум години, во првиот круг освоија помалку од 20 отсто од гласовите на граѓаните.
Аналитичарите оценија дека се реални шансите Фидез во вториот круг да добие двотретинско мнозинство во новиот парламентарен состав и според нив партијата мора во вториот круг да победи во 48 од 57 изборни места. Унгарците загрижени од последиците на економската криза и дадоа голема поддршка на партијата Фидез која вети дека ќе го зголеми економскиот раст, ќе отвори нови работни места и дека ќе ги намали даноците.
Премиерот Виктор Орбан од Фидес веќе по првиот круг објави дефинитивна победа изјавувајќи дека Унгарците знаат што и треба на нивната земја.
Фидез во првиот круг освои 52, 8 отсто од гласовите, на второ место беше владеачката Социјалистичка партија со 19, 3 отсто од гласовите, ултрадесничарската Јобик освои 16,7 отсто, а ЛМП либерално- зелената партија доби 7, 42 отсто од гласовите./крај/хи/ит
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Авион на Боинг принудно слета на аеродромот во Истанбул, екипажот безбеден
Товарен Боинг 763 принудно слета на аеродромот во Истанбул, по дефект на опремата за слетување, јавија државните медиуми.
Екипажот е безбедно евакуиран, јави државната телевизија ТРТ, пренесува ДПА.
Авионот, во сопственост на американската компанија за испорака Федекс, бил на пат од Париз. Неговата опрема за слетување на носот претрпела дефект додека се приближувал кон Истанбул.
Teretni avion sletio na trup na Aerodromu u Istanbulu https://t.co/7GDTFSZtkY pic.twitter.com/lUD5URlsE0
— Anadolu BHSC (@aa_balkans) May 8, 2024
Контролната кула била информирана и биле преземени неопходните мерки на претпазливост пред авионот да слета во 08:17 часот по локално време, соопшти ТРТ, повикувајќи се на Министерството за транспорт.
Свет
Шолц: Мирот на Балканот не е нешто што се зема здраво за готово
Германија интензивно се залага за прием на земјите од Западен Балкан во Европската Унија бидејќи членството одамна е ветувано, изјави германскиот канцелар Олаф Шолц на средбата со Денис Беќировиќ, член на Претседателството на БиХ, пишува „Дојче веле“.
Германскиот канцелар потоа потсети дека членството во Европската Унија, пред сѐ, зависи од условите што земјата членка мора да ги исполни на патот кон таа цел. Можеби тоа беше мал одговор на сите оние од Западен Балкан што се чувствуваа заобиколени откако на крајот на минатата година им беше отворен патот на преговорите на Украина и Молдавија по скратена постапка. Сега Шолц уште еднаш јасно стави до знаење дека патот е долг, а за некои многу, многу долг.
Тој се осврна и на безбедносната ситуација во регионот и рече дека мирот на Западен Балкан „не е нешто што се зема здраво за готово“.
„Босна и Херцеговина игра важна улога овде и ќе се спротивставиме на секој обид за загрозување на територијалниот интегритет и суверенитет на Босна и Херцеговина“, рече Шолц и нагласи дека затоа Германија ќе истрае да учествува во воените мисии „Еуфор“ и „Алтеа“.
Свет
Популарноста на Америка опаѓа во светот, а на Русија и на Кина расте, покажува истражување
Популарноста на Америка како глобална сила опаѓа ширум светот, особено во земјите со мнозинско муслиманско население, додека на Русија и Кина расте, според Индексот за перцепција на демократијата за 2024 година.
Анализирајќи околу 63.000 испитаници од 53 земји, индексот ги сумира ставовите кон демократијата, геополитиката и играчите на глобалната моќ.
Политико известува дека меѓународната репутација на Америка е нападната од почетокот на 2023 година, особено во муслиманските земји каде што непоколебливата поддршка на Вашингтон за Израел во неговата војна во Газа се покажа како интензивно раздор.
Сега кон трендот се приклучува и Европа, тврди политичкиот магазин.
„За прв пат од почетокот на мандатот на администрацијата на Бајден, многу западноевропски земји се вратија на нето негативната перцепција за САД. Овој пораст и пад, од негативни ставови кон позитивни [и] назад кон негативни ставови, е особено изразен во Германија, Австрија, Ирска, Белгија и Швајцарија“, рече Фредерик ДеВо, постар истражувач за истражувачката компанија Латана, која го состави индексот.
Во меѓувреме, позитивните перцепции за Кина во Азија, Северна Африка, Блискиот Исток и Латинска Америка продолжуваат да растат, доведувајќи ја глобалната перцепција на Пекинг до нето позитивна, и покрај континуираниот европски скептицизам.