Регион
Рама: Тече процесот на национално обединување на Албанците во рамките на ЕУ

На понеделничката заедничка седница под мотото „Една земја, еден народ, еден сон“ владите на Албанија и Косово во албанската престолнина Тирана ја одржаа втората поред заедничка седница на којашто премиерите Иса Мустафа и Еди Рама потпишаа единаесет договори и меморандуми за билатерална соработка во разни области.
Станува збор за документи кои се однесуваат во областа на меѓусебната безбедност, зајакнување на внатрешната безбедност, заедничко користење на опрема на граничните премини, во сферата на финансиите, културата, образованието, руралните средини, трговијата.
Премиерите на Косово и на Албанија, Иса Мустафа односно Еди Рама нагласија дека оваа се многу битни документи за двете држави. Првата седница на двете влади се одржа во Призрен на Косово, на 11-ти јануари 2014 година.
Албанскиот премиер во изјавата за RTK вети дека косовските Албанци ова лето нема да чекаат на граничните премини со Албанија, туку тоа ќе биде само формална контрола , слично на контролата на границите во Европската унија. Рама најави и отворање на заеднички конзулат во Милано
Инаку Рама пред новинарите изјави дека заедничките документи кои се потпишани го консолидираат процесот на национално обединување во рамките на ЕУ, додека, пак, неговиот косовски колега Иса Мустафа изјави економската соработка на Тирана и Приштина е многу битна и додаде дека последна станица на Албанија и Косово е Брисел.
Косовскиот премиер, пак, изјави дека ќе започне решавањето на проблемите со кои се опфатени „граѓаните на двете земји и нивните бизниси“. „Денеска потпишавме пет договори, четири меморандуми, два протокола и една заедничка изјава. Го истакнуваме договорот од областа на безбедноста и внатрешните работи. Во областа на стопанството полза од договорот ќе имаат двете страни“, изјави Мустафа. /крај/мф/мн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Кралски питон снимен на улица во Загреб

Во загрепската населба Кајзерица вчера вечерта човек наишол на кралски питон како талка по улицата. Ја снимил змијата и го објавил видеото во соседските групи во обид да го пронајде нејзиниот сопственик.
Еден од членовите на групата вклучен во безбедното враќање на змијата потврдил за „Дневник.хр“ дека сопственикот е пронајден.
„Ја најдовме сопственичката и змијата ќе ѝ биде вратена. Пред да ја најдеме сопственичката, стапив во контакт со Зоолошката градина во Загреб. Од таму ни кажаа дека можеме да им ја доставиме змијата, но бидејќи сопственичката во меѓувреме ни се јави, проблемот е решен“, рече тој.
Регион
Пицула: Србија живее во вонредна состојба, се плашам од 17-та жртва

Европратеникот Тонино Пицула, известувач на Европскиот парламент за Србија, коментира за тековните протести во Србија за „Н1“, како и за најновите настани поврзани со војната во Украина и за обидот за наоѓање мирно решение.
„Ми се чини дека Србија живее во вонредна состојба не само во последните еден или два месеца туку и подолго. Не е прогласена, но со текот на времето сите протагонисти со своите постапки покажуваат дека Србија е во ситуација во која некои стандардни механизми, што помагаат во решавањето на внатрешните конфликти во демократиите, не постојат“, рече тој на почетокот.
„Ова е еден вид институционална блокада. Ова не функционира во Србија со месеци и подолго. Ова е сериозна ескалација на насилството, што, имам чувство, почна по масовниот митинг на 18 јуни кога режимот на Александар Вучиќ ги извади ракавиците и почна да користи сила во поголема мера, не дека тоа не го правел претходно“.
Пицула исто така го изрази својот најголем страв кога станува збор за ескалацијата на насилството во Србија.
„Се плашам од 17-тата жртва. Зборуваме за 16 лица, кои ги загубија животите кога падна настрешникот на 1 ноември минатата година. Доколку овие конфликти доведат до нова жртва, можеме да зборуваме за уште поголема ескалација, што може да биде фатална“.
Каков е односот на Европската Унија кон претседателот Вучиќ?
„Во моментот ЕУ нема мотив, ниту капацитет да се однесува поинаку кон малигниот режим на Александар Вучиќ. За разлика од Украина, во ЕУ недостига компонента на единство, што би претставувала притисок, што би довел до компромис и можеби до одење на избори. Европскиот парламент е многу осамена институција во архипелагот на европски институции, што е многу критична кон Србија“, додаде Пицула.
Со кого може да се разговара тогаш во Србија?
„Ова е многу сложена ситуација и тешко е да се даде јасен одговор. Би било добро ако разговараат едни со други во Србија. За да се обезбеди мирна транзиција, да се најде компромисен механизам за да се стигне до избори. Сепак, проблемот е што изборите во Србија се случуваат релативно често. Вучиќ прибегнуваше кон избори секојпат кога проценуваше дека може да добие дополнителен легитимитет. Мислам дека имаше само два или три редовни циклуси, сè друго беа вонредни циклуси“.
„Треба да бидеме целосно јасни тука и да кажеме дека во Србија сè што е против Вучиќ не е нужно и за Европа во исто време, таму постои хетерогеност, што ја комплицира ситуацијата“, вели европратеникот.
Тој тврди дека сè уште нема обединет фронт во ЕУ што ќе изврши вистински притисок врз претседателот на Република Србија.
фото: принтскрин
Регион
(Видео) Автобус со српски туристи каменуван во Грција, има повредени

Автобус со 38 српски туристи бил каменуван синоќа на автопатот Егнација во Солун.
Според полицискиот извештај, инцидентот го предизвикале четири лица, најверојатно малолетници, пишува „Прототема“.
Θεσσαλονίκη: Επίθεση με πέτρες σε τουριστικό λεωφορείο – 3 τραυματίες
Άγνωστοι, πέταξαν πέτρες σε τουριστικό λεωφορείο με αποτέλεσμα να σπάσουν τα τζάμια και να τραυματιστεί ο οδηγός, και δύο επιβάτες – Το συμβάν σημειώθηκε στα διόδια Ωραιοκάστρου στη Θεσσαλονίκη.#ingr #innews pic.twitter.com/M3l3Ft1yv8
— in.gr/news (@in_gr) August 21, 2025
Во нападот врз автобусот, во кој се превезувале српски туристи, кои се враќале од одмор, неколку прозорци биле скршени со камења.
Двајца патници и еден од возачите добија полесни повреди, објавува „Катимерини“.
Полицијата приведе две лица во врска со инцидентот, но не биле утврдени докази против нив и лицата биле ослободени.