Македонија
Полицискиот синдикат се стекна со репрезентативност
Полицискиот синдикат е првиот синдикат во Македонија кој се стекна со решение за репрезентативност од страна на надлежната комисија на Министерството за труд и социјална политика
Полицискиот синдикат е првиот синдикат во Македонија кој се стекна со решение за репрезентативност од страна на надлежната комисија на Министерството за труд и социјална политика.
Ова денеска на прес конференција во Скопје го изјави претседателот на македонскиот полициски синдикат Тихомир Климоски, додавајќи дека овој синдикат има 8.119 регистрирани членови, што е близу 80 отсто од вкупниот број вработени во МВР.
„Македонскиот полициски синдикат успеа во рекорден рок да ја обезбеди и обработи бројната документација и ситана да ја презентира пред надлежната комисија, која по обемна и темелна процедура со решение ја потврди репрезентативноста на нашата асоцијација“, рече Климоски.
Тој појасни дека согласно измените во законот за работни односи, синдикатите на сите нивоа на организирање се обврзани да се пререгистрираат и за прв пат во историјата да пристапат кон докажување на својата репрезентативност.
Ваквата досегашна состојба им погодуваше на бројни ад-хок групации кои внесуваа забуна во комуникацијата меѓУ социјланите партнери претставувајќи се како легитимен фактор, рече Климоски
Тој додаде дека репрезентативниот статус е своевидно признание и за организацијата во која полицискиот синдикат членува а тоа е сојузот на синдикатите на Македонија (ССМ).
Претседателот на ССМ Живко Митревски честитајќи и на водачите на полицискиот синдикат истакна дека станува збор за историски ден на синдикализмот во Македонија.
Тој најави дека и останатите гранкови синдикати наскоро треба да се стекнат со решение за репрезентативност со што широко ќе се отворат вратите кон потпишување на општите колективни договори./крај/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, Општина Илинден во координација со екипите на ДТУ ТОКСИ ВЕТ – Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно за здравјето на луѓето, одобрено и пуштено во промет од Бирото за лекови.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски-Боки 13 во полицијата.
Ова се однесува на статусот што Јовановски го објави вчера, а каде што посочи дека лица блиски до Кичеец му се закнуваат.
Јовановски вели дека Кичеец е човек што згрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во оваа криминална банда еден од предводниците е Зоран Милевски-Кичеец“, рече Јовановски.
Неговиот адвокат Владимир Туфегџиќ ги оцени наводите на Кичеец како неосновани и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела – загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него дејствуваат преку разни форми на закани и притисоци со цел да го откаже второто гостување во поткастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и културата е рециклирање и рекреирање веќе на постојното. Колку понапредни општествата, толку повеќе се рециклира, се води сметка за животната околина и сè погласна и популарна е second hand модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во „Јавна соба“, под слоганот „Second hand е подобро од ново“, почнува базарот, каде што посетителите може да си набават добро сочувано парче гардероба, чевли, накит, книга или можеби некоја играчка. Ќе има многубројни штандови со разноразни парчиња, кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– заштеда на пари;
– помагање на животната средина и зачувување на природните ресурси;
– поддржувате локален и мал бизнис;
– развивате уникатен стил;
– имате чувство како да сте во потрага по богатство.